ماجد الكدواني: كريم عبد العزيز لو ضربني بجزمته هسامحه
تحدث الفنان ماجد الكدواني عن علاقة الصداقة القوية التي تجمعه بالفنان كريم عبد العزيز، كما كشف عن معنى اسم والده.
تصريحات ماجد الكدواني
قال ماجد الكدواني خلال حواره ببودكاست بيج تايم الذي يقدمه الإعلامي عمرو أديب:"معنى اسم "الكدواني" نسبة إلى قرية كودية التابعة لمركز ديروط بمحافظة أسيوط في صعيد مصر ودي القرية اللي فيها عيلتي، ف الاسم جه من هنا ".
علاقة ماجد الكدواني وكريم عبد العزيز
أما عن العلاقة القوية التي تربط ماجد الكدواني وكريم عبد العزيز قال الكدواني:""كريم عبد العزيز ده حبيبي، اللي بيعجبني فيه الأمانة والمصداقية اللي من القلب للقلب وساعات نقعد أنا وهو نتكلم مع بعض ويقول لي يا أخي مش فاهم الناس بقت عاملة كده ليه؟ هو إحنا شكلنا غريب قدام الناس ليه؟ هو حاجة غريبة اتنين بيحبوا بعض لله في الله؟".
وتابع: "سر علاقتي بكريم عبد العزيز اننا بنحب بعض بجد ونغلط ونتعاتب محدش هيمسك على حد حاجة، أنا وهو بنتكلم في الحياة بعيد عن المهنة خالص، صداقتنا عمرها 24 سنة ومستمرين دون خناق، هو إنسان جميل وقلبه صافي ودايما يقولي احنا مصروفين لبعض ومراتي تقولي ربنا يبعد عنكم العين".
وأضاف: "كريم عبد العزيز ده لو في يوم اتنرفز وزعل وقلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا ايه مش هزعل منه".
اقرأ أيضا:أنتِ مفتاح الحياة.. أصالة توجه رسالة دعم للسيدات في يوم المرأة العالمي
