أحمد العوضي: "ياسمين عبد العزيز الحب الوحيد في حياتي ومش هعيش اللي عيشته معاها تاني"

تحدث الفنان أحمد العوضي، عن تفاصيل علاقته بطليقته الفنانة ياسمين عبد العزيز، مشيرًا إلى أنها الحب الحقيقي والوحيد في حياته.

قال أحمد العوضي خلال لقاءه مع الإعلامية منى عبد الوهاب في برنامج “ع المسرح”: “أصدق حب في حياتي كان ياسمين عبد العزيز وهى الحب الحقيقي والوحيد في حياتي، لإني عيشت معاها أيام ومواقف ومراحل، وهفضل أقول كده على طول لأني مش هعيش اللي عيشته مع ياسمين تاني، أنا بقول كلام ممكن يتاخد عليا بعد كده ولكن دي الحقيقة”.

تصريحات أحمد العوضي عن ياسمين عبد العزيز

كما أكد أحمد العوضي، أن حب الرجل للمرأة ليس ضعف، وقال: “مين قال إن حب الراجل للست ضعف؟ أنت ممكن تبقى ضعيف قدام اللي بتحبها من حبك ليها، أنا ممكن أحسسها بحبي ليها بـ  رجولة، وأنا بطبعي مش رومانسي وبحب الرومانسية تبقى ناشفة ومش بحب الرومانسية اللي فيها تلزيق بتضايقني، وأنا بني ادم ليا كسري وضعفي، بس مبحبش أبين إني موجوع لحد أو متضايق وبلبس قناع القوي حتى لو فيا حتة موجوعة”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة