خالد الصاوي: "الفن المصري قادر يسند نفسه رغم الظروف الصعبة"

تحدث الفنان خالد الصاوي، عن حالة الفن المصري خلال الفترة الحالية، مؤكدًا أنه في حالة جيدة رغم الظروف الصعبة التي تمر بها البلاد.

قال الفنان خالد الصاوي خلال لقائه في برنامج “الحياة اليوم” عبر قناة الحياة: “الفن المصري قادر يسند نفسه ويقف على رجله دلوقتي، برغم الظروف الصعبة اللي بنمر بيها، وإننا معندناش موارد كتير بس برضه بنقدر ننتج ونعمل أفلام سينما بكرامتنا ومن غير ما نوطي أمام أمم تانية”.

تصريحات خالد الصاوي

وتابع خالد الصاوي: “إحنا عندنا ذكاء ونباهة ونوع من التعاون غير المباشر، وإذا كان في أعمال وحشة حوالينا، فده كان موجود حتى من زمان، لإن أفلام الخمسينيات والستينيات اللي بنشوفها دلوقتي بتتذاع على التليفزيون، مش هى بس الأفلام اللى تمت إنتاجها في الفترة دي، ولكن كانوا بينتجوا أفلام تانية وحشة بس مش بتتذاع وبيبقى في الآخر الأفلام الجماهيرية فقط”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة