الناس مش متفقة على ربنا.. ريهام حجاج ترد على منتقدي مسلسل صدفة

ردت لفنانة ريهام حجاج على منتقدي تعبيرات وجهها في مسلسل "صدفة" والذي عرض خلال موسم دراما رمضان 2024.

تصريحات ريهام حجاج

وقالت ريهام حجاج في تصريحات تليفزيونية: "ربنا نفسه مش كل الناس اتفقت عليه، عشان كدا مش كل الناس صح ولا كل الناس نظرتها للأشياء زي بعض".

وأضافت: "مسلسل صدفة لم  يناقش مهنة المدرس بشكل خاص،  وانا دايما بحب أقدم رسائل مهمة  عن قضايا المجتمع من خلال أعمالي".

وتابعت حجاج: "كان في كلام  اتقال أن في  بعض المدرسين زعلانين من المسلسل، حابة أقولهم إحنا مش بنقدم مهنة، بنقدم بني آدم من لحم ودم، والشخص اللي أبوه رماه كان ممكن يطلع مهندس أو دكتور أو أي مهنة".

واستكملت حديثها قائلة: "عايزين نوصل للناس إن صدفة شخص غير سوي بسبب نشأتها، وعايزين نقول للناس مترموش عيالكم عشان  هيطلعوا إما طفل عنده اضطراب نفسي، أو مش طبيعي ومش بيعرف يتصرف كويس، أو زي التلميذة اللي حملت من زميلها، أو علي اللي أبوه دخل السجن".

مسلسل صدفة

مسلسل “صدفة” من بطولة الفنانة ريهام حجاج، خالد الصاوي، عصام السقا، رحاب الجمل، سلوى خطاب، ميار الغيطى، فراس سعيد، رحاب الجمل، نور إيهاب، رشدي الشامي، رباب ممتاز، وعدد كبير من الفنانين وضيوف الشرف خلال الأحداث، ومن إخراج سامح عبد العزيز وتأليف أيمن سلامة.

اقرأ أيضاً:بسنت شوقي: محمد فراج متطرف في حب الأهلي وبتابع الكرة العالمية أكتر