محمد سامي: مبتعاطفش مع الممثلين لأن شغلهم انهم يتحجزوا لحد ما أخلص بيهم شغلي

تحدث المخرج محمد سامي عن كواليس مشهد الدفن بمسلسل " نعمة الأفوكاتو"، مؤكداً صعوبة تصوير  المشهد.

تصريحات محمد سامي 

قال محمد سامي خلال حلوله ضيفاً ببرنامج " الحكاية" مع الإعلامي عمرو أديب:" التربة كانت حقيقية ولكن مكنش فيها حد مدفون، ومي كانت كل شوية تعيط ومش عايزة تصور وإحنا الشمس كانت قربت تطلع علينا، وحطينا جثتين مش حقيقيتين علشان التصوير، وعلى الرغم من أني أنا اللي طالبهم ولكن لما شوفتهم اتقبضت وحقيقي كان مشهد صعب".

وأضاف محمد سامي: "مي في العربية قالتلي هو أنت ليه مراعتش مشاعري؟، هو أنا عمري اتدلعت في الشغل؟ أنت لازم تراعي الممثل  اللي قدامك أكتر، الممثل مش كرسي ده بني آدم ولازم تأهله".
 وتابع :" أنا مبتعاطفش مع الممثلين إطلاقًا، دول واخدين فلوس وده شغلهم ومحجوزين فترة علشان أخلص بيهم شغلي، اسمه أوردر مش طلب".

أبطال مسلسل نعمة الأفوكاتو

يشارك في بطولة مسلسل نعمة الأفوكاتو: مي عمر، أروى جودة، أحمد زاهر، كمال أبو ريه، طارق النهري، عماد زيادة، لبنى ونس، ياسر على ماهر، هدير عبد الناصر، ولاء الشريف، أحمد ماجد، محمد الدسوقى، سامى مغاورى، غادة فلفل، سلوى عثمان، ومن تأليف محمد سامى ومهاب طارق، وإخراج محمد سامى وإنتاج شركة Forever Drama - مها سليم.

اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي