"بحس بالإعجاب كل يوم".. رانيا يوسف بعد تصريح دخولها قصة حب جديدة
علقت الفنانة رانيا يوسف على تصريحاتها الأخيرة، حول خوضها قصة حب جديدة، التي أثارت بها الجدل خلال الساعات القليلة الماضية.
قالت الفنانة رانيا يوسف أثناء تصريحاتها على هامش مهرجان أسوان الدولي لسينما المرأة: “مش بعيش قصة حب جديدة، ولكني معجبة بشخص معين، وبالمناسبة أنا بحس بالإعجاب تجاه ناس كتير يمكن كل يوم، زى جورج كلوني وممثلين كتير جدًا، ولو هتجوز أكيد هقول لكل الناس”.
تفاصيل دخول رانيا يوسف قصة حب جديدة
وكانت قد أعلنت رانيا يوسف عن دخولها في قصة حب جديدة، وقالت في تصريحات تليفزيونية: “أنا كنت قافلة الباب لحد من 3 أو 4 اشهر، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة”.
وتابعت: “لكن دلوقتي فيه إعجاب متبادل مع شخص، هو متواضع جدًا ومكافح وبدأ حياته من الصفر، وعنده ولد ومنفصل، لكن واخد باله من ابنه وصديق كويس لطليقته، وعلاقتهم صحية، هو أكبر مني بـ 4 سنين، مش هلبس فستان فرح طبعًا لأني بكره كل التقاليد دي”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
