رضا البحراوي: "مهنتي مش دايمة اللي هينفعني عيالي وهذا عددهم الحقيقي"
كشف المطرب الشعبي رضا البحراوي، عن تفاصيل تعرضه لوعكة صحية في الفترة القليلة الماضية، إلى جانب حديثه عن تعليقات الجمهور حول عدد أولاده.
قال المطرب رضا البحراوي، خلال لقاءه مع الإعلامية ياسمين عز، في برنامج كلام الناس: “كان ضغط الشغل وجالي شوية برد وسخونية ولكن الحمد لله عدت على خير”.
عدد أولاد رضا البحراوي
أما عن تعليقات الجمهور على عدد أولاده، أضاف رضا البحراوي: “كان مكتوب على السوشيال ميديا إن أنا عندي 9 أولاد ولكن هما 8، وأنا بحب أهلي وإخواتي ويكون ليا عزوة وناس، والمهنة بتاعتي مش دايمة واللي هينفعني في الدنيا هما عيالي وأهلي، وربنا يخليلي أمي وأبويا هما دول سندي وضهري في الحياة”.
وتابع رضا البحراوي: “السنة دي عامل أغاني جميلة وبحبها، كلماتي بتليق مع ناس كتير، الجمهور حابب شعاراتي والغنا، وأنا مش من النوع اللي بيسهر وأقعد على كافيه، أنا شخص من بيتي لشغلي ومن شغلي لبيتي، أغانيا خدت حب ونجاح من الجمهور الحمد لله، وأنا مليش منافسين، لكن ربنا يوفق الجميع”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
