بعد أخبار طلاقها من أحمد السقا.. مها الصغير: "فيه أولاد ممكن تتأذي وبلاش تتوقعوا"

ردت الإعلامية مها الصغير على الشائعات التي انتشرت الساعات الأخيرة، التي أفادت بانفصالها عن الفنان أحمد السقا، وذلك بعد نشرها بوست عبر صفحتها على فيسبوك وهى تتحدث عن الطلاق.

قالت الإعلامية مها الصغير خلال حلقتها اليوم في برنامج الستات ما يعرفوش يكدبوا: “يوم الأربعاء ناقشت موضوع زى أى موضوع أو مشكلة بناقشها بشكل يومي في البرنامج بالاتفاق مع الإعداد واتكلمت عن العلاقة الصحية بين الأزواج، وإن فيه سيدات بتكون عايشة وخلاص وأكيد فيه كتير مش كده، وكذلك فيه رجالة عايشة والسلام، وقلت إن ده موضوع بنسلط عليه الضوء ولازم نشوف له حل”.

تصريحات مها الصغير

وتابعت مها الصغير أن حديثها في عن العلاقة بين الأزواج جعل البعض يتوقع أنها تتحدث عن مشكلة لها وأنها انفصلت عن أحمد السقا، مضيفة: “اتاخد عليا الكلام وإن فيه انفصال، وفيه ناس بتاخد حاجات من السوشيال تفسرها غلط، ومش معنى إني بتكلم ولا بناقش موضوع إني بعبر عن نفسي، وعندنا بكره موضوع عن أزمة منتصف العمر هل ده معناه إننا في البرنامج بنعاني من أزمة منتصف العمر؟، وكذلك عندنا موضوع عن المخلوعين والمخلوعات، وده موجود ف مجتمعنا وقضايا لازم نناقشها، هل ده لازم يكون عن نفسنا؟”.

وأضافت مها الصغير: “بلاش تاخدوا حاجات عن لساني مقولتهاش، لإن حياتي الخاصة لا أحب أن تكون للمشاع لإن في أولاد ممكن يتأذوا، ومش بس في موضوع الجواز والطلاق لإن فيه حاجات قبل كده حصلت زى مرض أحمد السقا واتقال كلام غلط وده بيأذي الأولاد”.

واختتمت مها الصغير حديثها، وقالت: “بلاش تتوقعوا أو تستنتجوا، وأنا لو عندي حاجة عايزة أقولها هقولها عادي، وده برنامج وبطلوا تريندات وهمية على حساب ناس، ومش أنا فقط، وأى حد بيتكلم على التلفزيون بيناقش قضية وبيتكلم في حاجة معينة”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة