رضا البحراوي: "كانوا عايزيني أمشي من مسلسل محارب بس ربنا مبيتحاربش"
كشف المطرب الشعبي رضا البحراوي عن تفاصيل أزمته مع صناع مسلسل محارب، بطولة الفنان حسن الرداد، الذي تم عرضه في موسم رمضان 2024، إلى جانب الحديث عن سبب رفضه تقديم أغاني على طريقة الدويتو.
قال المطرب رضا البحراوي في لقائه مع الإعلامية ياسمين عز: “ساعة مسلسل محارب حصل قلق كتير إني اتشال من المسلسل وربنا مبيتحاربش، نحب بعضنا بس مفيش حاجة دايمة لحد وأهم حاجة حب الناس، أنا ماليش أعداء إلا ابن كاري، لكن في الشارع الناس بتحبني وأنا بحبهم وأنا مش شاغل بالي بابن كاري”.
تصريحات رضا البحراوي
وتابع رضا البحراوي: “أنا كنت بادئ أغاني حزينة ودراما، ودخلت في سكة الشعبي، وعايز أرجع تاني أعمل دراما وده اللي هيدوم معايا لإني شايف الناس حباني فيهم، والنجاح دلوقتي بقا سهل مش زى الأول، ممكن إفيه على التيك توك يتعمل أغنية”.
أما عن سبب رفضه تقديم أغاني الدويتو، أضاف رضا البحراوي: “أنا بحب أنجح لوحدي مش معايا حد، مستغلش فرصة حد يعمل معايا ديتو، أنا برفض الدويتو وبقوله أنجح لوحدك وشيل حفلة لوحدك، عدوك ابن كارك، وابن كاري لو شاف رضا في نجاح ممكن يدخل على منتج أو مخرج ويعرض 50 أغنية قدام أغنية بتاعتي، ولكن ربنا مبيتحاربش”.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
