منال سلامة: دوري في صيد العقارب أرهقني نفسيا وكنت بعيط بسببه

تحدثت الفنانة منال سلامة عن دورها في مسلسل " صيد العقارب" بطولة الفنانة غادة عبد الرازق والذي عرض خلال شهر رمضان المنقضي.

تصريحات منال سلامة

قالت منال سلامة خلال حلولها ضيفة ببرنامج " السفيرة عزيزة" :"الدور ده أثر عليا نفسيا بشكل كبير، و كنت بروح كل يوم مكتئبة لأنه كله حزن وكآبة، وكنت بعيط فجأة لوحدي أبقى بصلي وأعيط وأنا مش فاهمة ليه، أكون قاعدة بقرأ قرآن خصوصا إننا كنا بنصور في رمضان ألاقيني منهارة وافتكر ذكريات في حياتي زي موت أبويا وأولادي وهما بعاد عني، وأنا مش فاهمة ليه".
 واضافت منال سلامة:" الدور أرهقني جدا نفسيا، لحد ما خلصت المسلسل واتعرض ابتديت أدرك إن دا كان السبب في الكآبة اللي بقيت عايشة فيها".

منال سلامة في صيد العقارب 

 وتابعت:" أنا دوري في المسلسل  مش كبير كمساحة لكن كل مشهد مؤثر، كان لازم أزاكره كويس، الشخصية بتتعرض لموقف صعب بعد موت جوزها، قرأت في علم النفس ودرست مراحل تأثر الشخصية من رفض لعدم تقبل الأمر والإدراك والانهيار".

اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي