ملك زاهر: تشبيهي بريهام عبد الغفور وحنان مطاوع شرف كبير

علقت الفنانة الشابة ملك أحمد زاهر على دخولها مجال الفن بسبب والدها الفنان أحمد زاهر، موضحة أنه من الطبيعي أن يساندها ويدعمها.

تصريحات ملك زاهر 

قالت ملك زاهر خلال مداخلة هاتفية ببرنامج" تفاصيل":"أول ما جيت أشارك في  مسلسل لؤلؤ وكان بقالي 8 سنين راجعة ومكنتش صورت أي مشهد، لقيت بعدها الناس بتقول مبتعرفش تمثل، طيب أنتوا شوفتوني أصلا، الحاجات دي الناس بترخم عليها وزمان كنت بتضايق وبقول عاوزه أثبت نفسي، لكن دلوقتي بقيت بعدي وبعمل اللي عليا".

تشبيه ملك زاهر بريهام عبد الغفور وحنان مطاوع 

 وتحدثت عن تشبيهها بالفنانة ريهام عبد الغفور وحنان مطاوع  قائلة: “ شرف كبير ليا، لأنهم فنانين عظماء وأتعلم منهم كثيرا وسعيدة بذلك”.

ملك زاهر تتحدث عن مواصفات شريك أحلامها

 وكشفت ملك أحمد زاهر عن مواصفات فتى أحلامها قائلة: "لازم يكون حنين أوي ورومانسي، عشان أنا طيبة ورومانسية، ويكون راجل ومسئول ومتفاهم عارف شغلي وبيشجعني فيه وأنا أشجعه في شغله".
 وأوضحت ملك أحمد زاهر أنها لا تفكر في الارتباط في الفترة الحالية، موضحة أن الأهم  بالنسبة لها  هو عملها قائلة: "أنا مركزة في شغلي دلوقتي والحاجات دي بتكون قسمة ونصيب ومستنية يجي الشخص المناسب عشان أنا طيبة وأول ما ألاقي الشخص الكويس اللي يعاملني زي بابي هرتبط بيه".

اقرأ أيضاً:شريف سلامة: مبسوط بمشاركتي في كامل العدد وبحب أعمل الحاجة وعكسها