دينا فؤاد: شخصية حنان الغرباوي مركبة وأنا والعوضي بينا كيميا

كشفت الفنانة دينا فؤاد عن حياتها الشخصية والفنية، كما تحدثت عن دورها في مسلسل " حق عرب" الذي عرض خلال شهر رمضان 2024.

تصريحات دينا فؤاد 

قالت دينا فؤاد خلال حلولها ضيفة ببرنامج " لكن يهمه الفن"عبر إذاعة نغم إف إم:"أصعب حاجة  في شخصية حنان الغرباوي في حق عرب  أنها شخصية مركبة وفيها  أنواع مختلفة من  المشاعر، ويعتبر قدمت فيها أكتر من دو، و فرحت جدا بنهاية الشخصية لأنها نهاية قوية وفيها تحدي كبير ليا كفنانة".

واضافت:"  النجاح دايما بيستوقفني لأني لازم في الخطوة اللي بعديه أقدم حاجة بنفس المستوى وتليق بالجمهور ، وده بيتوقف على الأعمال  اللي بتتعرض عليا".

دينا فؤاد وأحمد العوضي 

وتابعت:"  في كيميا كبيرة  ونجاح بيني وبين النجم أحمد العوضي، بعد تعاونا من قبل في الاختيار واللي مالوش كبير, ولما أتعرض عليا دوري في "حق عرب" فرحت جدا بيه لأني بحب الأدوار المركبة، اللي مش بتكون فيها الشخصية ماشية على مسار ثابت".

واستكملت حديثها قائلة:" ذاكرت شخصية حنان الغرباوي وتخيلت تفاصيل كتير عنها، زي مثلا مشهد النهاية لما بتتجنن وكل حاجة بتروح منها".

اقرأ أيضاً:مع رجل المستحيل.. أحمد سعد يوجه رسالة للمستشار تركي آل الشيخ