فرح منه السني ..وتعليقات السوشيال ميديا: كلهم بيطلقوا في الأخر

تصدرت البلوجر منه السني في الأيام القليلة الماضية محركات البحث عبر جوجل، وقد أثار فرح منه السني ضجة كبيرة على وسائل التواصل الاجتماعي.

فرح البلوجر منه السني

وقد انعقد فرح منه السني يوم أمس، واشعل وسائل التواصل الاجتماعي نظرًا لجمال الفرح وفخامته، وظهرت فيه البلوجر منه السني بإطلالة مميزة تشبه الأميرات ، مما أثار غضب البعض وقالوا إن كل هذه الضجة وكثرة التكاليف لأخذ التريند .

عقد قران منه السنى

وخصوصًا بعدما عقدت البلوجر منه السني قرانها منذ أيام قليلة، واعتقد البعض أنه حفل زفافها الأخير، نظرًا لاطلالتها التي كانت توحي بأنه حفل زفافها وليس مجرد عقد قران.

جاءت تعليقات السوشيال ميديا على فرح منه السنى كالآتي:

قالت أحد رواد السوشيال:" أنا زهقت من أفراح البلوجرز، ربنا يسعدها وكل حاجة بس بجد الناس مأڤورين أوي و المشكلة الأكبر انه بجد جو  show اقسم بالله العظيم و كلهم بيتطلقوا في الأخر.

والبعض الآخر علق:" انا زهقت منها ومن فرحها اللي مش بيخلص ده بجد وأساسا ذوقها وحش اوي، معجبنيش الفستان، ديل الفستان بس هو اللى حلو، ياريتها كانت بطبيعتها رقيقه اكتر".

وانتقدها البعض:" ١٠٠  فستان اتلبس مش فاهمه ليه يعني ده كله اوفر اوي بصراحه، الاول كتب كتاب و التاني فرح
بس البلوجرز بيعملو كتب كتاب كبير حبتين تلاته عشره".

انتقادات السوشيال ميديا

ليه معذبة نفسك كده بالفستان كان ممكن يبقى ابسط من كده وشك باين عليه التوتر ، كل واحد يمشي علي قده هيا مقدرتها كدا بقا ف تعمل الي هيا حباه وكل واحد زي م يحب يعمل".

واستكمل البعض:" اصلا مين منه وصاصا دول انا قرفت كل ما افتح الاقيهم يعنى هم أول حد اتجوز ولا آخر حد تصدقوا ما تمسكوا فى موضوع وتقعدوا سنة تتكلموا عليه ربنا يصلح الحال، كل دة ميك اب اتحط على وشها لية ؟".

وجاءت تعليقات البعض محملة بالحب والمباركة للبلوجر منه السني:" كل اللي كان في احلامي لفرحي وكتب كتابي لقيتك عملتيه بجد اكتر عروسه قمر وكيوت ما شاء الله تبارك الرحمن فيما خلق ربنا يسعد قلبك وايامك ياارب".

"احلى عروسه تشوفها عيوني كنت فرحنالگ وكأنى بجد اعرفگ اووي ومشاء الله فرحتكم ببعض لمست قلبي وبقيت طايره بيكم حقيقى ربنا يحفظكم ويديم محبتكم لبعض ويجعلكم ف موده ورحمه يارب ويسعدكم،  وحقيقى الجيلري عندي كلو مليان بفديوهاتكو القمر كل مكون عايزه اتبسط اتفرج عليكو ببقا ف قمت سعادتى بجد وكانى اعرفكو اوووي 
بحبگ اوي ي احلى عروسه تشوفها عيوني.

من هي منه السني ؟

الجدير بالذكر أن البلوجر منه السني تمكنت من السيطرة على مكان خاص بها ضمن قائمة البلوجرز، على مواقع التواصل الاجتماعي حيث تمتلك عددا كبيرا  من المتابعين على حساباتها الشخصية على مواقع التواصل الاجتماعي، يصل عدد متابعيها أكثر من 2 مليون ونصف المليون على انستجرام، تقدم منة محتوى مميز في عالم أزياء المحجبات، ونالت إعجاب متابعيها عبر إنستجرام ومواقع السوشيال ميديا المختلفة منذ ظهورها.