عصام كاريكا: لحنت لنجوم الوطن العربي وأتعاون حاليا مع محمد منير

كشف الفنان عصام كاريكا سبب ابتعاده عن الغناء الفترة الماضية، موضحاً أنه يتعاون حالياً مع الكينج محمد منير في عمل فني جديد.

تصريحات عصام كاريكا 

 قال عصام كاريكا خلال حلوله ضيفاً ببرنامج " واحد من الناس" مع الإعلامي عمرو الليثي :"أنا من 5 سنين قررت أني  أوقف  خالص أني  أعمل لنفسي أغاني وركزت في التلحين، وأنا في الأصل ملحن، ولحنت لكل نجوم الوطن العربي، و100 فنان غنوا من ألحاني، ومنهم الفنان فؤاد المهندس وليلى طاهر، وعبد المنعم مدبولي".

تعاون عصام كاريكا مع محمد منير 

وعن تعاونه مع محمد منير قال كاريكا:"أنا بحضر أغنية  حلوة أوي لـ الكينج محمد منير، بتقول: أنا الذي غنى وطبل، أنا الذي بحر جبل، أنا اللي قلبي ياما اتبهدل، أنا ولد أصول، أنا الذي عاشق حبيت ياما روحت وجيت، ونمت من غير ما اتعشيت، بقى كده معقول؟!".
 وتابع :" الأغنية هتنزل كمان أسبوع أو 10 أيام، و إن شاء الله هتعجب الناس وعاملين حاجة محترمة وقوية ، والمهم عندي إني أختار كلمة حلوة وتدوم".

أعمال عصام كاريكا 

 واستكمل حديثه قائلاً:" أنا عندي أغاني بقالها 30 سنة  ولسة ناجحة وبتتسمع لحد النهاردة، وأنا بختار الكلمة اللي تعيش وتكون  للزمن، وأعز 4 ألحان عندي: وهي عاملة إيه دلوقت لـ عمرو دياب، ودارت الأيام لـ راغب علامة ودي حدث في لبنان لحد دلوقتي ، وأعاتبك على إيه ولا إيه لـ محمد محي، ودي عملت نقلة في الموسيقى، وكمان أغنية فيلم بوحة".

اقرأ أيضاً:عمرو مصطفى: أنا فنان عالمي وعندي ألحان في جميع أنحاء العالم