كيف نجت مى حلمي من برنامج "رامز جاب من الآخر" مع محمد رشاد؟.. فيديو
كشفت الإعلامية مى حلمي كواليس رفضها المشاركة في برنامج "رامز جاب من الآخر" مع الفنان رامز جلال في موسم رمضان الماضي 2024، وكان سيشاركها في الحلقة طليقها المطرب محمد رشاد.
قالت مى حلمي خلال لقاءها في برنامج et بالعربي: "أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة فأكيد كواليس البرنامج هتكون عندي، لما كلموني طلبت رقم معين 25 ألف دولار، في ناس يا حرام مكنتش عارفة الموضوع إيه وهما قالولهم أنتوا تاخدوا بالمصري، أنا اللي فرق معايا الميزانية وإن هو ميبقاش برنامج مقالب، أنا في الأول اتقالي أنه مش برنامج مقالب، قلت استحاله مصدقش، سألتهم المفروض ألبس إيه بعتولي برنامج تاني حاجة مختلفة بيلعبوا لعبة، سألتهم عايزني ألبس كاجوال ليه، وبدأت أعمل بحث عن الموضوع طلع زى ما توقعت".
تفاصيل رفض مى حلمي المشاركة في برنامج رامز جلال
وأضافت مى حلمي: "المقلب إن إنت تجيبلي حد أنا على خلاف معاه واستحاله أقوله صباح الخير دي وحشة في حقي ولا هقبلها ولا مستنيه فلوس، ناس كتير قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ 25 ألف درهم مش محتاجة الفلوس دي في أى حاجة والناس شاهدة على الكلام ده".
وتابعت مي حلمي: "البرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها فاستحاله تقولي مصلحتي أهم من مصلحتك، وهو أنا صغيرة مستينة حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت عملتها قبل كده وخدت فلوس كتير".
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
