هدى الإتربي: "ربنا رزقني بتفاصيل خلتني جميلة زي هند رستم وكنت مرعوبة من باسم سمرة"

كشفت الفنانة هدى الإتربي عن تفاصيل مشاركتها في مسلسل العتاولة، الذي تم عرضه في موسم رمضان الماضي 2024، وذلك أثناء حلولها ضيفة على الإعلامية فاطمة مصطفى، في برنامج الراديو بيضحك عبر إذاعة راديو 9090.

تصريحات هدى الإتربي

-السوشيال ميديا أثرت عليا السنة دي، بس عرفتني قد إيه مسلسل العتاولة ناجح وقد إيه دوري كان له صدى عند الناس.

- الولاد اللي عندهم 17 و18 سنة كانوا بيكراشو عليا بسبب شخصية دينا، وأحلى حاجة إن تأثير الشخصية كان في الجيل ده لأنهم صادقين وحبهم طبيعي.

- اللي انتقد لبس وميك آب شخصية دينا ظلمها، في الآخر مش أنا اللي بختار شكل الشخصية ودي مقومات الشخصية ولازم تبقى لافتة.

- أحمد السقا أخويا الكبير وبيدي مساحة للنجوم الشباب فرصة أنهم يظهروا، وهو مش من النجوم اللي بتغير ولا بتمنع ظهور الشباب.

- فكرة البنت الجميلة مهمة ومش موجودة عند ناس كتير، وأنا بحمد ربنا إنه رزقني بالتفاصيل اللي تخليني جميلة زي هند رستم وشادية.

- معنديش مشكلة أعمل دور دينا مليون مرة بس مع مخرجين مختلفين، لأن كل مخرج هيطلع منها حاجات مختلفة.

- أنا طول الوقت بعمل ورش تمثيل، هخلص اللي في مصر وأكمل في أمريكا.

- مفيش تجربة مريت بيها في مجالنا مستفدتش منها، ومندمتش على حاجة سواء تجربة وحشة أو حلوة، بالعكس ده بيساعد على نضوج الفنان.

- طارق لطفي ممثل عميق، وبيرمي إفيه غير متوقع وهو لذيذ جدًا لازم يعمل كوميدي.

- باسم سمرة بيبقى مركز قوي قبل المشهد، هو ممثل كاريزمته مرعبة، وكنت مرعوبة ومش عارفة هعمل إيه قدامه.

اقرأ أيضًا: "اتهدوا قرفتونا".. إسعاد يونس توجه رسالة لـ ياسمين عبد العزيز وأحمد العوضي