فريدة سيف النصر: مزورتش قبر أمي وبخاف من الموت
تحدثت الفنانة فريدة سيف النصر عن والدتها الراحلة، موضحة أنها لم تزور قبرها وأنها عملت أن الشريعة والأحاديث يمنعان زيارة المقابر حسبما علمت.
تصريحات فريدة سيف النصر
قالت فريدة سيف النصر خلال حوارها ببرنامج " واحد من الناس" مع الإعلامي عمرو الليثي:"مفكرتش قبل كده أني أزور قبر والدتي وجميع المقابر وعمري ما زورت اللي توفوا من أهلي أو زملائي وبنت أخويا غادة الله يرحمها ماتت من أربع أو خمس شهور وأنا قرأت شريعة كتير ومش المفروض نروح المقابر وكذلك في الأحاديث".
وأضافت:" أنا مقدرش أزور قبر أمي أو أبويا ، وخايفة من نفسي وخايفة من الموت ومش مستعدة له وإحنا بشر بيجي في بالي أني نفسي أشوف أحفادي رالا وتاليا عرايس وأطمن عليهم وبرفض شغل كتير عشانهم، وكمان بخاف من أني لو روحت المقابر أفتح القبر وأنط جوه وأشوف أمي".
وتابعت:" ماما كانت زي القمر والناس لما يشوفوني منزلة صورتها يقولوا لي أنتي فاكرة نفسك حاجة، وأبويا حفي عليها لأنها كانت حلوة جدا".
فريدة سيف النصر تتحدث عن وفاة والدتها
واستكملت حديثها عن وفاة والدتها قائلة:"وقتها كنت بعمل مسلسل موسى واتحايل عليهم علشان خاطري يا جماعة أنا بقعد بالخمس ست ساعات من غير شغل هاتوني على شغلي فقط وكان وقتها هاني يسري مساعد المخرج الأول ومحمد سلامة المخرج لكن مع الأسف وهفضل اضرب نفسي 500 جزمة عليها طول عمري أني كنت في التصوير وقالوا لي الحقي ماما روحها بتطلع وبتقول فريدة، كان ذل وقلت لهم أنا ماشية وخدت العربية وقلبي اتنتش وحسيت ان الكلام صح ولما وصلت ما لقتهاش وكان نفسي اودعها".
اقرأ أيضاً:شريف سلامة: مبسوط بمشاركتي في كامل العدد وبحب أعمل الحاجة وعكسها
