أحمد طارق: "الست بتبقى بتحب جوزها وتُعجب بحد تاني والرجالة بتخون أكتر"

تحدث الفنان أحمد طارق، عن رأيه في الفرق بين الرجل والمرأة، مشيرًا إلى أن المرأة تستطيع التحكم في ردود أفعالها وعواطفها أكثر من الرجل.

قال أحمد طارق خلال تصريحات إذاعية: "الست عندها ميزة عن الراجل إنها بتقدر تتحكم في نفسها أكتر من الراجل، وتتحكم في عواطفها وردود أفعالها، وللأسف إحنا كل الرجالة مغيبة مش فاهمين أن الست ممكن تكون بتحب جوزها وحد يلفت نظرها وتعجب بيه هى برضو بني آدمة".

وتابعت: “الفرق أن الراجل بيجري والست بتسيطر على نفسها، الراجل بيحب يحس أنه لسه عنده رونقه ومرغوب فيه أكتر من الست، والرجالة بتخون أكتر علشان المجتمع، الراجل بيروح ويجي والست بتفضل تحاول، ولكن لو قررت تبيع بتمشي خالص”.

آخر أعمال أحمد طارق

يشار إلى أن آخر أعمال الفنان أحمد طارق، هو مسلسل “حالة خاصة”، بطولة الفنان طه دسوقي، هاجر السراج، غادة عادل، حسن أبو الروس، علي السبع، أحمد طارق، وعددا آخر من الفنانين، والعمل من تأليف مهاب طارق وإخراج عبد العزيز النجار.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة