علي الحجار: الدكاترة مانعني أقف لكن بغني 3 ساعات عشان الجمهور

كشف المطرب علي الحجار عن تفاصيل حالته الصحية، وبالرغم من منعه من الوقوف لفترة طويلة ولكن بسبب حبه للحفلات، يقوم بالغناء لمدة 3 ساعات، كما روى بعض القصص عن بداية مشواره الفنى.

صرح علي الحجار في تصريحات إذاعية، عن حالته الصحية قائلًا: "الجمهور ميعرفش أن الدكاترة مانعيني أقف أو أقعد فترة طويلة بسبب مشكلة في ظهري، ولكن بغني على المسرح 3 ساعات لإني بمجرد ما أشوف الجمهور بنسى الألم وبكون في حالة خاصة".

تصريحات علي الحجار

كما روى علي الحجار تفاصيل بداية مشواره الفنى، قائلا: "بداية الاحتراف بالنسبة لي من أول فرقة التخت العربي قبل ما أقابل بليغ حمدي ودا كان سنة 1974 ودا معناه إني بقالي 50 سنة محترف غناء والأغاني بتاعتي أصبحت تراث زي أغنية عارفة وهي من 32 سنة".

وتابع علي الحجار قائلا: "أنا عملت 50 أغنية في الـ 3 سنين اللي فاتوا، ولكن المشكلة إن زمان كانت الأغاني بتتعرض على قنوات محددة والراديو وبالتالي الجمهور كان بيسمعها ويحفظها، ولكن دلوقتي عشان تعمل أغنية وتوزعها على 1000 قناة أو تحطها على السوشيال ميديا لازم تدفع أكتر من 100 ألف جنيه دعاية فقط عشان تنتشر ودا شيء صعب".