أحمد حلمي: "أنا مُقصر في حق فلسطين وأتمنى تقديم عمل عن معاناتهم"

تحدث الفنان أحمد حلمي عن أحداث رفح وغزة الأخيرة، وذلك خلال تواجده في منتدى الإعلام العربي، مؤكدًا أنه يرى نفسه من المتهمين بالتقصير في حق فلسطين.

قال أحمد حلمي: “أتمنى من كل قلبي تقديم عمل عن الظلم الموجود ومعاناة أهلنا في غزة وفلسطين، وبناشد كل فنان وأنا أولهم إننا نعبر عن الموقف ومعاناة الفلسطينيين، السوشيال ميديا فتحت عيون ناس كتير كانوا مش عارفين اللي بيحصل وفاكرين إن المحتل الإسرائيلي على حق، لكن النهاردة الفيلم ممكن يكون درع ومرجع يؤرخ الحقائق، فالفن له دور مهم في تغيير الإنسان والشعوب، وفي الظروف الاقتصادية الصعبة الناس بتحتاج للابتسامة”.

تصريحات أحمد حلمي في منتدى الإعلام العربي

وتابع أحمد حلمي: “أنا بقدم أعمال خفيفة تخرج الشحنة، وتخلي الناس تبتسم بس مش بخدرهم، لازم أعمل فيلم للناس تضحك لكن تفوق شوية، لأن مفيش ضحك مطلق، والمفروض ميكنش عندك محاذير وأنت بتقدم عمل كوميدي سياسي، الحذر بيكون لما تقدم عمل له علاقة بالدين أو الجنس، ولو هتمشي ورا الطريقة دي علشان تضحك فقط فأنا مش هعمل كدة وهرفض الحكاية، واللي بيقول الجمهور عايز كدة مش فاهم طلب الناس”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة