هاني عادل يتساءل: ليه الشتيمة في الراب عادي والمهرجانات لأ؟

تساءل الفنان هاني عادل عن انتقاد الألفاظ الخارجة في المهرجانات بالرغم من عدم انتقادها في الراب وأيضًا الألفاظ المباحة في الأفلام الأجنبية وغير مباحة في الأفلام المصرية، وذلك من خلال بوست كتبه على صفحته عبر فيسبوك.

كتب هاني عادل قائلاً: "ليه الشتيمة والألفاظ في الراب عادي والمهرجان والأغاني العادية مش عادي، ليه الشتيمة والألفاظ في الأفلام الأجنبية اللي الرقابة بتوافق عليها عادي، والشتيمة في الأفلام المصري مش عادي؟ ده ليه؟ هو الشتيمة لو جاية من حد لابس شيك أو بالإنجليزي تفرق عن واحد شعبي بيتكلم مصري من الشارع أو بيغني؟".

هاني عادل ينتقد الشتائم في الأغاني والمهرجانات 

وأضاف: "محتاج أفهم فعلًا محتاجين نعرف برضو إن فيه مشاعر في الأغاني والأفلام مش هيتعبر عنها إلا كدة، هتقولي والأطفال هقولك عيالك يعرفوا شتايم من قباحتها مش هيوصلك معناها اصلًا، وابقى احترم انت وعيالك لما بيتكتب على السينما فوق 18، وفيه محطات راديو بفلوس برضه في العالم كله فوق 18سنة، هي أسئلة كتير بس أتمنى يكون ليها إجابة".

أخر أعمال الفنان هاني عادل

ينتظر الفنان هاني عادل عرض مسلسله الجديد "بنون" المقرر عرضه قريبا عبر إحدى المنصات الرقميه، بطولة الفنانة بسنت شوقي، هيا فياض، يارا عزمي، مريم سعيد صالح، محمود حجازي، رانيا الملاح، ومن إخراج أسد فولادكار.