رحاب الجمل: فيفى عبده قالتلى خدى الطريق الشرعى للفن

كشفت الفنانة رحاب الجمل أثناء لقائها فى برنامج الراديو بيضحك الذى تقدمه الإعلامية فاطمة مصطفى على "راديو 9090"، عن مشوارها الفنى ونصيحة فيفى عبده ليها، بالإضافة لكواليس فيلم مستر إكس.

تصريحات رحاب الجمل

تحدثت رحاب الجمل عن الفنانة فيفى عبده قائلة: "هى وماما وبابا كانوا أصدقاء وبابا الملحن أحمد الجمل كان بيعملها موسيقى وتابلوهات راقصة، كنت بحبها جدًا وبشوفها أيقونة وشخصية حنونة وكريمة وجدعة وكلمتها وحدة، هى كمان ست بمية راجل، كنت منبهرة بيها جدًا وبالصدفة عملت إعلانات وفيديو كليب وحبيت التمثيل جدًا، وقلتلها نفسى أمثل قالتلى خدي الطريق الأسهل والشرعى للمهنة وأدخلى المعهد فشجعتنى وبالفعل دخلت المعهد العالى للفنون المسرحية".

كواليس فيلم مستر إكس

كما تحدثت رحاب الجمل عن كواليس فيلم مستر إكس قائلة: " أوس أوس كان بيعمل فينا مقالب أنا ومحمد أنور وكان بيبهدلنا عشان عنده طاقة مش طبيعية كأنه طفل مشاغب فى الفصل، كان دايمًا عامل دوشة ودايمًا أقوله يابنى أسكت وأقعد ولما المخرج أحمد عبد الوهاب يزعق بيقول أى حاجة تضحكنا كلنا، ياريت التجربة تتكرر تانى".

وأضافت رحاب الجمل عن صعوبات فى التصوير قائلة: " فيه جرافيك وإخراج شغل خاص بالبغبغان وتركيب صوته وده كان من المشاهد الصعبة، والبغبغان كان خطير وأوس أوس كان بيخاف منه وهو اللى أخدلنا حقنا منه".