ليلى عز العرب: كسبت من البنوك أكتر من التمثيل والمصريين أنقى عرق جيني

تحدثت الفنانة ليلى عز العرب عن بداياتها في مجال الفن، مشيرة إلى أنها بدأت في سن ال 55، إلى جانب حديثها عن اهتمامها بالحضارة الفرعونية، وذلك من خلال لقاءها في برنامج "الستات" عبر قناة النهار.

أبرز تصريحات ليلى عز العرب 

- دخلت مجال الفن عام 2002 وكان على سبيل التجربة.

- في نفس الوقت اللي دخلت فيه التمثيل كنت شغالة في قطاع البنوك.

- كنت خايفة أسيب مجال البنوك عشان الفن.

- مكنتش خايفة من الأمور المادية لكن كنت خايفة أبقى متوهمة إني موهوبة.

- مكسبتش من التمثيل قد ما كسبت من البنوك لحد دلوقتي رغم إني في المهنة من زمان.

- معرفش أقعد من غير شغل مش عشان الفلوس لكن أنا مدمنة شغل.

- لما بكون بشتغل ده بيظبط حياتي، هي طبيعتي كده.

- وقالت ليلى عز العرب أنها تهتم جدًا بالهوية المصرية وحضارتها القديمة.

- بحاول أشتغل على ترسيخ العلامة التجارية للحضارة المصرية القديمة وبعتمد على الذكاء الاصطناعي.

- في 130 ألف كلمة متداولة دلوقتي أصلها من اللغة المصرية القديمة.

- المصريين هم أنقى عرق جيني.

- كلمة فرعونية مش موجودة في تاريخنا لا لقب ولا وظيفة ولا اسم هى اسمها اللغة المصرية القديمة، لو كان فراعنة كان أجدادنا سجلوه.

- شغفي بالحضارة المصرية بدأ من ٤ سنين ولكن زاد اهتمامي بها منذ عام.

- الفراعنة كانوا بيسجلوا عاداتهم وتاريخهم على البرديات وجدران المعابد، ولم نجد عليها ما يسمى بالفرعونية.

- أنا بدأت تمثيل في سن ال 55 وحققت النجاح بعد ال 60.

- اختارت اسم الملكة نفرتاري لحسابي على موقع X تويتر سابقًا.

- وده بسبب إنها شخصية جميلة الجميلات والزوجة المحببة للملك رمسيس الثاني، ونفسي أجسد شخصيتها في عمل فني.

- إحنا عندنا كتير من النماذج العظيمة في التاريخ المصري.

- بتمنى نقدم أعمال فنية عن حضارتنا القديمة.

- مقدرش أنافس سوسن بدر في لقب نڤرتيتي أو حتشبسوت، وأنا بحبها جدًا، واحنا بنحب بعض الحمد لله.

- اللغة كانت من أهم الأسباب اللي رشحتني للفيلم العالمي مع جاكي شان.

- إتقاني للتمثيل والتعبير باللغة الإنجليزية كان مهم.

- واختتمت ليلى عز العرب قائلة بفكر أدخل في مجال تعليم التمثيل لأنها مغامرة وتجربة جديدة.