منى زكي: مهرجان القاهرة للدراما مُشرف وروحت لمدرب تمثيل بسبب تحت الوصاية

تحدثت الفنانة منى زكي أثناء تواجدها على هامش مهرجان القاهرة للدراما، عن كواليس مسلسلها الأخير "تحت الوصاية"، الذي تم عرضه خلال الموسم الرمضاني 2023، وحقق نجاحًا كبيرًا وقت عرضه بالرغم من تعرضه لانتقادات قبل العرض.

قالت منى زكي أثناء لقاءها مع قناة Dmc على هامش افتتاح مهرجان القاهرة للدراما: "أكتر حاجة حمستني القضية اللي فكر فيها شيرين وخالد دياب، وكنت مترددة أوافق لأسباب شخصية، والمخرج أستاذ شاكر عرض عليا الموضوع وكان بيفكر يعمله ازاى، ومن بعدها تحمست للدور وكنت مبسوطة عشان هشتغل معاه لأول مرة، وأى عمل أساسه الكاتب والمخرج ومهندس الديكور".

منى زكي في مهرجان القاهرة للدراما

أما عن تحضيرها للعمل، أضافت منى زكي: "المخرج أستاذ شاكر كان حاطط خطة وعارف هو عايز إيه من الشخصية وعايزها توصل لإيه، وطبعًا رحت لمدرب تمثيل عشان المسلسل".

وأعربت منى زكي عن سعادتها بالمشاركة في مهرجان القاهرة للدراما الذي يقام في مدينة العلمين حاليًا: "أول مرة أكون موجودة في مهرجان القاهرة للدراما، لإني محضرتش السنة اللي فاتت، وطبعًا دي حاجة مشرفة ومنظمة جدًا، ومفيش أحلى من الساحل الشمالي ومدن الساحل زي مدينة العلمين الجديدة".