طليقة حسن شاكوش: لقيت بنات لابسين قمصان نومي وحقي منه 600 ألف جنيه
ظهرت ريم طارق طليقة حسن شاكوش، أمس مع الإعلامية بسمة وهبة فى برنامجها 90 دقيقه، المذاع على قناة المحور، لتكشف حقيقة الصلح الذى تم بينها وبين حسن شاكوش، واستلامها لكافة حقوقها الشرعية منه، وسبب اعتذارها منه.
أبرز تصريحات ريم طارق طليقة حسن شاكوش
-حسن شاكوش خدعنى وشهر بيا وفضحنى وداس على كرامتى بالجزمة.
-كنت بلاقى بنات لابسه قمصانى وبيجاماتي وبيتصوروا بيها وملقتش الهدوم تاني.
-واجهته بالصور دى قدام الناس، لكن أنا مش هعرض حاجة زى كدا.
-حقى 600 ألف جنيه لكن حسن شاكوش قال هما 400 بس ولسه ما دفعهمش.
-لبس بيجامتى علشان يستفزنى ويوقعنى فى الغلط.
-لما روحت أجيب هدومي لقيت ساعة دهب كان شيلها معايا رجعتهالوا علشان أثبت حسن نيتى.
-هو خلف بوعده وحقى أنا هخده بالقانون.
-تانى يوم خدت حاجتى لقيته بيكلمنى وبيقولى انتي خدتي النسكافيه والشاى.
تصريحات طليقة حسن شاكوش
-كنت مضايقة أكتر على هدومى وحاجتى لإني مشيت من 5 شهور من غير ما أخد حاجة.
-كان هاممنى حاجتى الشخصية أكتر من حقوقى الشرعية.
-لما الناس اتوسطوا قالولى انتي شهرتى بيه ولازم تعتذرى لكن أنا رفضت.
-قولت انا معايا كل الأدلة اللى تثبت أن الطرف التانى هو الى فيه المشكله وأسباب الطلاق الشرعية معايا.
-طلبوا أنى أقول أنه محترم، لكن محترم على أى أساس دا رماني بعد 55 يوم جواز، وبعد 4 أيام من الفرح قال أنا مش عاوزها.
-اتفقنا أنه ماينزلش الفيديو غير لما أخذ حقوقى المالية وحاجتى الشخصية.
-لكن اتفاجأت بالفيديو نزل قبل ما أخذ حقوقى المالية.
-بعتلى رسالة أن كدا محدش هيصدقنى تانى وأنه كدا هو انتصر.
-لكن محدش بينتصر على وليه وواثقه أن اللعبة اللى عملها دى هتترد ليه.
-هو خلف بالاتفاق وأنا مش هسكت.
طليقة حسن شاكوش
-أنا كنت رفعت تمكين علشان أقدر أخذ حاجتى لكن بردو معرفتش أخد حاجة.
-أنا عملت الفيديو دا غصب عنى، وعملته قبل ما ادخل البيت بساعتين.
-هو قال إني اعتذرت له لكن أنا معتذرتش وما قولتش أنى ماشوفتش منه وحش.
-عملت الفيديو علشان أقدر اخذ حاجتى واثبت للناس اللى اتدخلت إني صادقة.
-أنا اعتذرت لمامته بس علشان هى ست كبيرة لكن هو مش مصدر ثقة.
-صورت الفيديو من ورا أهلى لأنهم مكانوش موافقين.
-مكنتش أعرف أن أهله هيبعتوله الفيديو.
-أنا رافعة أكتر من قضية نفقة وقضية القايمة وفى قضية كمان مش هتكلم فيها دلوقتي.
