محمد فراج : نفسي أقدم شخصية تاريخية زي العالم مصطفى مشرفة
حل الفنان محمد فراج ضيفا مع الإعلامية إنجى علي، في برنامجها الإذاعي "أسرار النجوم" على إذاعة نجوم FM، حيث كشف تفاصيل مشاركته في فيلم فوي فوي فوي، أسباب غياب النجمة نيللي كريم عن العرض الخاص للفيلم، كما تحدث عن حياته الشخصية مع زوجته الفنانة بسنت شوقي.
أبرز تصريحات محمد فراج
- فيلم فوى فوى فوى يقدم فكرة كرة القدم للمكفوفين.. دي حاجة جديدة في الدراما قبل كدا.
- عيشت في للفيلم حياة صعبة.. أنك تبقى رياضي وتتناسى موضوع إنك كفيف دي حاجة تحترم.
- شوفت فيديوهات عن المكفوفين وكرة القدم للمكفوفين.. حاولت بقدر المستطاع أقدم الشخصية.
- الحالة الل بنقدمها لشخص بيشوف وبيمثل أنه مش بيشوف ولازم الناس تصدقني.
- الفيلم كان تحديا كبيرا بالنسبة ليا.. والورق جذبني لدرجة خلصته مرة واحدة.
- الفيلم كان في خيال وطموح المخرج عمر هلال من زمان.
- نيللي كريم كانت وش الخير عليا وكان نفسي تكون معانا يوم الافتتاح بس هي كانت مسافرة.
- وجود نيللي كريم فى للعمل بيضيف لأنها نجمة ولازم أقول كدا.
- في شخصيات مركبة لازم الممثل يفككها علشان يعرف هيوصلها إزاي الجمهور.
- شخصية حسن اللي بقدمها فيها نصب وإبداع إنك تقنع الناس يقدروا يحرموك من أحلامك وتخليهم يصدقوك.
- السوشيال ميديا بتصدر دائما الحاجات الغلط وبيسيبوا الحاجات الناجحة.
- أنا زوج مشاكس بيحاول يكون مثالي.. والشائعات مش بتسيب حد ناجح.
- من المخيب أن الناس تركز على الوحش وتسيب الحلو والنجاحات.
-مش هسيب شغلي وبيتي اللى ببنيهم واركز على كل واحد بيقول إيه.
- اللى يتكلم يتكلم والقافلة بتسير في النهاية.
- بحب الشخصيات التاريخية زي الدكتور مصطفى مشرفة، الذي توفي في ظروف غامضة وهو عالم مصري كبير وأسباب ما حدث له وإزاي كان عايش.
- في شخصيات تاريخيّة كثيرة أتمنى تقديمها.
فيلم فوي فوي فوي
تصدر فيلم فوى فوى فوى بطولة الفنان محمد فراج ونيللي كريم، المركز الأول في أول ايام عرضه، ليتسبب في تراجع فيلم العميل صفر بطولة أكرم حسني بعد أن كان متربعًا على قائمة الاعلى إيرادات.
كما كشفت الفنانة بسنت شوقى زوجة محمد فراج عن كواليس الفيلم، وذلك خلال حضورها الغرض الخاص للفيلم داعمه زوجها، معلنة أنه قد تم تصوير الفيلم بعد شهر العسل مباشرة، مؤكدة إرهاق محمد فراج أثناء تصوير العمل.
قصة الفيلم
الفيلم مستوحى من أحداث حقيقية في إطار كوميدي، التي تدور حول حسن (محمد فراج) الذي يعيش مع والدته ويعمل حارس أمن ويعيش حياة الفقر، ولكنه يستطيع النصب والانضمام إلى فريق كرة قدم المكفوفين، الذى يقترب من المشاركة فى كأس العالم فى أوروبا، ليخوض فى ذلك الإطار الكثير من المغامرات.
