طه دسوقي: أحمد الغندور كان مرشح لدوري في الصفارة ودخلت حقوق بسبب أحمد عز

حل الفنان الشاب طه دسوقي ضيفًا مع الإعلامية والفنانة إسعاد يونس، فى برنامج صاحبة السعادة المذاع على قناة dmc، حيث كشف عن كواليس مسلسل الصفارة، وتعاونه مع الفنان أحمد أمين.

أبرز تصريحات طه دسوقي 

-دخلت حقوق بسبب تأثري بأحمد عز فى ملاكي إسكندرية.

-مكنتش عارف أنا عايز أعمل أيه غير أني أقنع الناس بأريي وكان أقرب للمحاماه.

-بسبب حبي الشديد للفن كنت بدأت أتعلم الجيتار.. روحت كورس شهر لكن زهقت.

-أنا نجحت فى الدراسة لكن فشلت بعد كدا بسبب أني كنت بحفز القوانين اللي تنجحني.

-مكنش عندى مقاومات المعاكسة فى الجامعة غير الجيتار لكن طلع مش كفاية.

-كنت مش متقبل شعرى وقتها فكنت بفرده زى حسين الشافعي.

-اللى كان بيبقى خاطب من صحابي وباخد رأى كنت بقوله سيبوا بعض.

-مكنتش مقتنع بفكرة الإرتباط.. لإن لازم نفهم نفسنا الأول بعدين نرتبط.

-أحمد الغندور كان المرشح الأول فى مسلسل الصفارة ولما اعتذر الدور جالى.

-أنا كان نفسى أمثل مع أحمد أمين، وكنت اشتغلت معاه فى ورشة كتابة فى برنامج أمين وشركاه.

-المخرج طلب مني أمثل أحد السكتشات ودى كانت أول مره أمثل مع أحمد أمين.

-كنت مرعوب من تقديم أكتر من شخصية فى المسلسل لكن علاء إسماعيل وأحمد أمين طمنوني.

تصريحات طه دسوقي

-أحمد أمين شاطر فى تقديم أكتر من شخصية من أيام البرنامج.

-ملابس الشخصيات هى اللى كانت بتساعدنى على الدور.

-العمل مع أحمد أمين مريح نفسيًا.. وهو زيه زينا بيحس بالتوتر فى اللوكيشن.

-زوجتى أكبر داعم ليا فى أعمالى.. وبشاركها وبأخذ رأيها.

-أنا كنت مرشح لنفس الجائزة مع الطفل عمر الشريف وعملت تصرف مش محسوب.

-عمر شاطر جدًا وبيعرف يقول الإفيه وفى تحت الوصاية عيط مصر كلها حسيت أن الجائزة هتبسطه أكتر.