خالد يوسف: زينة ممثلة مجتهدة وعمرها ما عملت أى مشاكل

أشاد المخرج خالد يوسف بالفنانة زينة، معربًا عن سعادته بعودته للتعاون معها في فيلم "الإسكندراني"، المأخوذ عن رواية الراحل أسامة أنور عكاشة.

قال خالد يوسف خلال لقاءه في برنامج عرب وود: "زينة بتصب كل تركيزها في الشغل ولم تختلق المشكلات زى ما الناس بتقول الفترة اللي فاتت، أنا بشوف إنها ممثلة مهمة جدًا وأنا مبشوفش إنها بتاعت مشاكل خالص، لما اشتغلت معاها في كارما معملتش ربع مشكلة وهى مجتهدة قوي ومركزة جدًا".

تصريحات خالد يوسف عن زينة

وأضاف المخرج خالد يوسف: "زينة عمرها ما عملت أى مشاكل مع فريق العمل أو مع أى حد، مشوفتش عليها أى حاجة من اللي بتتقال دي، علشان كده أنا متحمس أشتغل معاها تاني".

فيلم الاسكندراني

يعتبر فيلم الاسكندراني أولى بطولات أحمد العوضي في السينما، ويشاركه الفنان صلاح عبد الله، زينة، حسين فهمي، بيومي فؤاد، محمود حافظ، محمود الليثي، وتم بدء التصوير منذ عدة أيام داخل ديكور حي الأنفوشي بمدينة الإنتاج الإعلامي، ومن إخراج خالد يوسف.