إعجاب الجمهور أهم من الإيرادات.. ماذا قال أكرم حسني مع معتز الدمرداش؟
حل الفنان أكرم حسني ضيفا مع الإعلامي معتز الدمرداش، فى برنامجه "الضيفي"، والذى تحدث فيه عن مشاوره الفني، كما كشف عن مشاركته فى السباق الرمضاني 2024، بعد غيابه عن الموسم الماضي فى 2023.
أبرز تصريحات أكرم حسني
-أنا شخص مش رياضي خالص، وجهاز المشي فى البيت اتحول لشماعة هدوم.
-اوقات بفرش وأكل عليه..لكن بحاول طول الوقت أنى أستمر.
-بوجه نصيحة للأطفال ما تعملوش زى الرياضة مهمة جدا.
-خسيت فى الأول لما منعت السكر والنشويات نهائيا.. برجعهم دلوقتي ورجعت ماليت تاني.
-سبب تمسية الفيلم العميل صفر هو سبب درامي للشخصية.
-والد الشخصية كان عايز يسميه صقر لكن فى السجل نسيوا النقطة فبقت صفر والأسم أنعكس على شخصيته.
-شخصية بخباخ الحنية فى مسلسل الوصية سميناها كدا لأن الشخصية طول الوقت بتتريق على ريم بسبب أسمها.. فنكتشف أن اسمه بخباخ.
-أسماء تيمون وبمبا فى مسلسل رجالة البيت طلعناها من ضمن العبثية اللى كنا بنقدمها أنا وأحمد فهمي.
-أول ما اتخرجت من كلية الشرطة قدمت على إعلام القاهرة وكنت شايف أنها مدخل للتمثيل.
-كنت مخلى شغلى فترات ليلة فقط والصبح أروح الجامعه وأذاكر وقت الخدمة.
-زملائى كانوا بيشوفونى موصل نور من مصنع أو شركو وبذاكر فى العربية ويتريقوا عليا.
-دا زادني أصرار وأول ما خلصت لقيت إعلان لنجوم إف إم طالبين مذعيين.
-حاليا فى عمل في رمضان وأنا بشتغل عليه.
-أنا مافكرتش أنى أنافس أو أحقق إيرادات كبيرة المهم أنى أقدم عمل يعجب الناس.
-التنوع اللى حصل فى الأفلام السنة دى دا كان فى مصلحة الجمهور.
-نجاح فيلم العميل صفر دا نتيجة لتعب فريق العمل اللى بذل مجهود كبير من أول التحضيرات.
-أنا بحب أوظف موهبتى اللى ربنا منحها ليا فى إسعاد الناس.
-أكتشفت موهبة كتابة الأغانى بالصدفة، كنت بكتب للمناسبات العائلية وللأصدقاء.
-قررت أنى أوظف الموهبة دى فى تطوير الأغانى الكوميدية الساخرة.
-كنت بعمل محاكاه للأغانى بعد حصولى على حق استغلالها وأكتب الكلمات عليها بطريقة ساخرة.
-اتطورت وبقيت بكتب الكلمان وأشوف ملحن محترف.
-عملت شركة لإنتاج الأغانى قبل 13 سنة، وقعدت سنين ما بتنتجش حاجه.
-كنت بكتب أغنية "لو كنت" لنفسى وأتخيل لو لم أكن إنسانا.
-حطيت فرضيات للرجل وللمرأة وقدمتها لهيفاء وهى اتحمست جدا.
-هيفاء عندها خفة دم ورائعة على المستوى الفني والإنسانى واقبلت بالفكرة بكل شجاعة.
-محولتش أجرب أعمل دور تراجيدي من غير ضحك، بالرغم من وجود فنانين كوميديا بيدورو يعملو تراجيديا يقولوا أحنا مش مهرجين.
-بعرف أقدم مشهد حقيقي.. بس لما الموقف يحتاج لضحك هخليه مضحك.
-بجهز لعمل مسرحي جديد، هيتعرض قريب.
