ياسمين صبري: ربنا أنعم عليا بالجمال ووصلت من غير واسطة

تحدثت الفنانة ياسمين صبري عن موضوعات مختلفة بحياتها، وأشارت أنها تتمتع بنعمة جمال الشكل وهى حقيقة لا تُنكر، بالإضافة إلى حديثها عن العلامات التجارية.

تحدثت ياسمين صبري عن نعمة جمالها أثناء لقائها في برنامج الحكاية الذي يقدمه الإعلامي عمرو أديب المذاع على قناة Mbc مصر قائلة: "ربنا أنعم عليا بنعمة الشكل ودي حاجة منقدرش ننكرها، الشكل هو اللي ساعدني أني أكون واجهة العلامات التجارية، وأنا كملت ده باللبس والأسلوب والواجهة، بس مفيش حاجة كاملة، لما بيكون معايا صديقتي وجوزها يجيي أنا بمشي على طول، عشان تكون هي مرتاحة أو لحد ما هي تُصر إني أقعد معاهم، الراجل هو اللي بيخلي خزان الثقة بتاع الست مليان أو فاضي".

تصريحات ياسمين صبري

وأضافت ياسمين صبري قائلة: "أنا بشوف كومنتات الناس، بتقول هي بتصرف كل الفلوس دي إزاي؟، واللي هما مش عارفينه إني مش بصرف جنيه، لما الإنسان بيكون واجهة بتيجي العلامات التجارية تقول مثلًا أنا عايزة الست دي تمثلني وتكون السفيرة بتاعتي لأنها بتكون انطباع، وأنا بعمل إعلانات غير مباشرة، لإن الإعلانات المباشرة واللي بالغصب كانت زمان، والناس كده هتنفر مني".

وتابعت ياسمين صبرس قائلة: "اللي الناس بيشوفوه هو حياتي، وأنا من يومين بقول في استوري صباح البركة والعمل، لقيت الناس بتقولي فين العمل ده امتي بتصوري القهوة بس، بس الحقيقة أنا مش بحب أظهر الحاجات الصعبة والتعب مش أكتر، الشغل بيكون صعب والتصوير الإعلان بيكون مثلًا في 18 ساعة في اليوم عشان تطلع 20 ثانية".

وأشارت ياسمين صبري إلى أنها لا تُكون عداءات قائلة: "أنا مش بكون عداءات ودرست ده، ومين يزعل من التطور المادي، ليه الموضوع ده بيكون بالنسبة للناس حاجة حساسة، الإنسان لازم يعمل قيمة لنفسه مش بس يعتمد أنا ابن فلان، ودي ممكن تكون حاجة وحشة والناس تعملك عشان انت ابن فلان مش أكتر، أكيد الفلوس حلوة بس اللي أحلى أنك وتعرف تعملها".

كما أكدت ياسمين صبري على أنها لا تعتمد على الواسطة قائلة: "لو في بنت صغيرة نفسها تبقى زيي، وبتقول لازم واسطة ومحمد بيه والكلام ده، عايزة أقول لا في واسطة ولا أي حاجة، أنا وصلت من غير واسطة لعلامة تجارية كبيرة".