إلهام شاهين: "ليه نقدم شخصية الشعراوي في عمل لما ممكن نعمل عن عالم"

كشفت الفنانة إلهام شاهين عن سبب رفضها لتقديم شخصية الإمام محمد متولي الشعراوي في عمل فني، مشيرة إلى أنها يمكننا تقديم عمل عم عالم أو شخص طور في الحياة.

تحدثت إلهام شاهين عن سبب رفضها لتقديم شخصية الإمام محمد متولي الشعراوي أثناء لقائها في برنامج "كتاب الشهرة" والذي يقدمه الإعلامي اللبناني علي ياسين عبر شاشة قناة الجديد قائلة: " ليه نعمل عمل فني عنه، ما نعمل عن العلماء أو حد طور شئ مهم في الحياة".

تصريحات إلهام شاهين

وأضافت إلهام شاهين قائلة: "ممكن نعمل عن شخص اكتشف علاج بمرض خطير مثلًا، يعني الناس اللي أفادت البشرية، خلونا ناخد الناس اللي فادت البشرية قدوة.. أنا بحب الشيخ سعد الهلالي لأن أفكاره بترضي الناس كلها".

أما عن فكرة الزواج من شخص مدني قالت إلهام شاهيم: "أنا معنديش مانع في الزواج من شخص مدني خارج مصر، لكن أنا ضد فكرة المساكنة أو الزواج من شخص لمجرد فكرة الزواج، كل اللي يهمني وجود حب في شريك حياتي".

وأشارت إلهام شاهين عن خسارتها للمال قائلة: " أنا خسرت أموال كتير في إنتاج الأعمال الفنية، خسرت أكثر من 50 مليون دولار، أنا ثروتي أقل بكتير من اللي خسرتها، كنت عايزة اشتري بيت في لبنان بس خسرت فلوسه".

واختتمت إلهام شاهين حديثها قائلة: "أنا لسه على موقفي في موضوع بيع أعضائي بعد وفاتي، ومن أراء الشيخ محمد متولي الشعراوي هو عدم التبرع بالأعضاء وده عشان جسد الشخص مش ملكه، إزاي الكلام ده، ده شخص بيعمل خير وأنا سألت شيوخ كتير، وأكتر من واحد قالي دي صدقة جارية بعد وفاتك، وده لأنك بتساعد إنسان عشان يعيش من غير آلم.. أنت خسران إيه ما جسمك هيدفن في التراب في الآخر".