"لو اتضربت قدامه هيتكسر".. محمود البزاوي يروى موقف صادم جمعه بنجله

كشف الفنان محمود البزاوي عن طريقة تعامله مع أولاده، مؤكدًا أنه يُقدم لهم النصائح بطريقة غير مباشرة، مشيرًا إلى أن الأب الذي يدعي أنه يعلم كل شئ في الحياة هو أب جاهل، إلى جانب الحديث عن علاقته بوالده .

تحدثت محمود البزاوي عن طريقته في تربية أولاده أثناء لقائه في برنامج "In Deep" الذي يقدمه الإعلامي تامر شلتوت قائلًا: "أنا اكتشفت حوار أنك عارف كل حاجة في الدنيا، دا معناه أنك مش فاهم حاجة خالص، أنا عمرى ما بقطم أولادي ولا انتقدهم، ولما بكون خايف على ابني أكرم، بيقولي ليه يا بابا بتعمل كدا؟.. بقوله وقتها في حق بيني وبينك صغير فأسمحلي أني اسأل عليك، وأشوفك هتتأخر ولا لأ".

تصريحات محمود البزاوي

ووضح موقف بينه وبين نجله قائلًا: "كنت عايز لسه بتعلم السواقة وكان ابني جانبي، وكنا في فيصل وفي ميكروباص جاي غلط فدخل في العربية، أكرم ابني اتخض عشان في 4 رجالة نزلوا من العربية شكلهم كبير ويخض، وكانوا نزلين على خناقة وأنا وقتها مكنتش عايز اتخانق قدام ابني، فنزلتلهم لميت الوقف وهزرنا سوا ومشيت".
 

وأضاف محمود البزاوي قائلًا: "وقتها أكرم كان بيعيط، قلتله أنا كان ممكن أنزل أتخانق معاهم وأعمل فيها شجاع، وأترن علقة لكن أنا حميت نفسي عشانك، وأنا دايمًا بحب اديله نصائح من خلال الفعل، أنا لو كنت اضربت قدامه كان هيتكسر، بس أنا وضحتله أن اللي حصل ده ميمنعش أن أبوك ممكن يضرب عادي".

وتابع محمود البزاوي قائلًا: "كنت بتكلم مع ابني من وهو لسه صغير في حياتي الشخصية، وكنت باخده من ايده امشيه تاتا تاتا، عشان في المستقبل هو اللي هيسندني وهيمسكني، وأنا لو مكنتش أمين عليه هنا هو مش هيكون أمين عليا هناك، ولو جيت قولتله أنا أبوك وعارف كل حاجة أبقي أب جاهل".
 

ومن جانب آخر تحدث محمود البزاوي عن والده قائلَا: "أبويا كان راجل طيب وكويس جدًا ونفسه يشوف أولاده في أحسن حاجة، كان أُمي ولكن اتعلم في مدارس الشعب اللي عملها عبد الناصر، وكان شغال عامل في الغزل والنسيج، وأمي كانت ست فلاحة عادية، أبويا كان بيشتغل 3 ورديات في اليوم ومكناش بنشوفه، كنا ممكن نشوفه على الغدا أو الفطار، كان بيتنا دافي وفي أُلفة بينا، وممكن أكون أنا اخدت منه طيبته في السلوك والتصرف، هى المسألة نسبية وأنت بتحكم في أمورك من خلال وعيك وثقافتك وبيئتك".