هنا الزاهد: "زعلت من أحمد السعدني لما شتم وضربني بجد في المشهد"

كشفت الفنانة هنا الزاهد، عن كواليس مسلسلها الأخير سيب وأنا سيب، الذي تم عرضه مؤخرًا عبر منصة شاهد، كما تحدثت انزعاجها مع شتائم الفنان أحمد السعدني خلال المسلسل.

قالت هنا الزاهد خلال لقاءها مع الإعلامي عمرو أديب: "لما قريت مسلسل سيب وأنا أسيب عجبني قوي وعجبني دور نبيلة، وحبيت كل الكاست وباين في المسلسل إن إحنا بنحب بعض بجد وسافرنا مع بعض لبنان".

هنا الزاهد وأحمد السعدني

وأضافت هنا الزاهد: "أحمد السعدني كنت فكراه في الأول رخم ولما كنت بشوفه في الجيم كان بيسلم عليا بطريقة غريبة وبقول هو دمه تقيل ولا إيه، وفي الآخر قالي أنا بحبك قوي كممثلة بس كنت مكسوف أتعامل معاكي، طلع بيتكسف أوي".

وعن كواليس مشهد ضربه لها، قالت هنا الزاهد: "في مشهد من كتر ما إحنا خدنا على بعض قوي كنا قاعدين أنا في البلكونة بناكل لبان وهو ضربني بجد قولتله أنت غبي؟ وكنت فكراهم هيوقفوا تصوير لكن لقيتهم كملوا وكملنا المشهد عادي، بس اتضايقت منه لأني عاملة عملية فيها وهو وجعني بجد".

هنا الزاهد عن شتائم أحمد السعدني في المسلسل

كما ردت هنا الزاهد على الانتقادات التي تعرض لها المسلسل بسبب شتائم أحمد السعدني، قائلة: " مشهد الشتيمة ده كان المفروض يتاخد من كادر واسع فـ مكنش هيبان حركة الشفايف ومكنش حد هيفهمها، واستغربت جدًا بس قولت أكيد غلطة مونتاج وزعلت من أحمد السعدني وكلمته قولتله أنت فعلًا شتمت كده؟ قالي معرفش أنا قولت هياخدوها من كادر واسع".