"يسرا كانت لابسه برج".. عنبة ومايان السيد يكشفان كواليس مسلسل 1000 حمدلله على السلامة
كشف الفنان عنبة ومايان السيد عن كواليس مشهد الفرح الشهير ضمن أحداث مسلسل 1000 حمدلله على السلامة، بطولة الفنانة يسرا.
تحدث عنبة عن كواليس الفرح أثناء لقائه في برنامح صاحبة السعادة الذي تقدمه الإعلامية إسعاد يونس المذاع عبر شاشة قناة dmc قائلًا: " جابولي بدلتين في مشهد الفرح واحدة سودة وواحدة بيضا، ولما لبست السوده قالولي إيه ده شكلك جان، مع أن البدلة كانت واسعة ومش مقاسي أصلًا".
تصريحات عنبة
وأضاف عنبة قائلًا: " كنت عامل شعري عادي الطبيعي يعني، قامت شيماء سيف قالتلي أنت مش شايف احنا عاملين ازاي، أنت تدخل تبوظ شعرك المسبسب ده زينا، ودخلت عملت تسريحة عجيبة فشعري عجبتهم وبقى راكور، وبقيت أنا اللي بسرح لنفسي في كل مشهد".
وتابع عنبة قائلًا: " أستاذة يسرا كانت لابسة باروكه متحركه كأنها برج مائل لدرجة أن راسها كانت بتتهز معاها، وكان يوم تصوير المشهد طويل أوي".
تعليق مايان السيد
وعلقت مايان السيد على المشهد قائلة: " احنا كنا بنعمل كوميديا فكان عندنا مساحة نهزر، وأنا وشيماء سيف كنا لابسين حاجات غريبة، ومحمد ثروت كان لابس هندي فاحنا كنا رايحين نلعب كده كده".
وأشار عنبة إلى أن أجواء لوكيشن تصوير مسلسل 1000 حمد لله على السلامة قائلًا: " في الكواليس كلنا كنا بنحب بعض، وأستاذة يسرا حبيبتنا في بعض أكتر، حتى الأكل كان لازم تجمعنا ناكل سوا".
كما علقت مايان السيد عن شخصية عنبة الذي قدمها عنبة في المسلسل قائلة: "عنبة اتأثر بالشخصية أوي لدرجة أنه كان بيتعامل بيها، ومرة ضايقته في مشهد واحنا بنمثل لقيته أضايق مني بجد، فهي بتكون مَلكة عند الممثل أنه زي ما يعرف يدخل جوا الشخصية يعرف يخرج منها وميتأثرش بيها".
