أحمد حلمي: "ملحقتش أشبع من أبويا وكنت بهرب من الخروجات عشان المنيو بالإنجليزي"

كشف الفنان أحمد حلمي عن ذكرياته مع والده ورحلته مع المرض، مشيرًا إلى أنه لم يلحق أن يقضى وقت كبير معه، بالإضافة إلى حديثه عن مفهوم الطموح والرضا بالنسبة له.

تحدث أحمد حلمي عن والده أثناء لقائه في برنامج AB TALKS الذي يقدمه الإعلامي أنس بوخش قائلًا: " أبويا مات وملحقتش أشبع منه، أبويا ليه الفضل في صفاتي، كان في حرية في التربية ومكنتش بشكلها المعتاد".

تصريحات أحمد حلمي

وأضاف أحمد حلمي قائلًا: "ملحقتش أخطف من أبويا وقت كتير، ونفسي الزمن يرجع تاني عشان اشوفه، بيوحشني أوي وبحلم بيه كتير أوي، فلوس أبويا راحت في شركات توظيف الأموال".

وتابع أحمد حلمي عن طفولته وذكرياته مع أصدقائه قائلًا: "زمان كنت بهرب من الخروجات عشان منيو الأكل كان بالإنجليزي، وبحمد ربنا أن الحوار ده مقلبش معايا بحقد، ولما عملت برنامج الأطفال وقتها حسيت أني بعرف أعمل حاجة، وده أداني شوية ثقة في نفسي وأني أعرف أعمل حاجة".

ومن جانب آخر، تحدث أحمد حلمي عن مفهومة عن الرضا قائلًا: "اللي معندوش حاجة مميزة لازم يكون عنده رضا، الرضا باللي أنت فيه عشان تبقى أحسن، وتكون عارف أنك مخلوق عشات تعمل حاجة وتكون مفيد، والمتنمر بيكون الأضعف دايمًا".