تضامناً مع غزة.. حورية فرغلي: "الأطفال اللى بتموت دي ملهاش ذنب"

نشرت الفنانة حورية فرغلي فيديو، تتحدث فيه عن القضية الفلسطينية وتعبر عن حزنها على الشعب الفلسطيني، مؤكدة: “الأطفال اللي بتموت دي ملهاش ذنب في اللي بيحصل”.

وفي فيديو لها على صفحتها الرسمية على موقع "إنستجرام" قالت:  "الفيديو دا تضامن مع شعب فلسطين، وقلبي كله حزن وبيتقطع على اللى بشوفه، ويارب فك كربهم وأنصرهم يارب".

وتابعت حورية فرغلي قائلة: "الأطفال اللى بتموت دي ملهاش ذنب فحاجة، وبتروح ضحية من غير ما تعمل حاجة، معقولة كل الناس دي تروح ضحايا، حد عمل حاجة غلط كل الناس دي تروح ضحية ليه، يعنى بتحاسبوا شعب علشان في فئة غلطت، حرام الناس اللى بتموت دي يا جماعة".

حورية فرغلي تطلب تدخل جامعة الدول العربية

وأكدت حورية فرغلي على عدم تدخلها في السياسة، موضحة: "أنا مليش في السياسة ولا بتكلم فيها، بس لأول مرة لازم جامعة الدول العربية تدخل وتعمل حاجة، واحد بيحاسب البلد كلها حرام الأطفال اللى بتموت دي ملهاش ذنب إنها جت الدنيا، تدخل وتخرج من الدنيا بمزاحنا إحنا".

واختتمت حورية فرغلي حديثها، قائلة: "أنا بشوف فيديوهات بتقطع القلب، وساعات مش بقدر أكملها بس لازم يكون في حل، ولازم الناس اللى تقدر تحل تساعد وتحل بجد، وأنا بدعي ربنا أن الموضوع ده ينتهي".