أحمد ثروت: أنا وخطيبتي هنعمل بفلوس فرحنا مشروع لغير القادرين

كشف المخرج أحمد ثروت نجل الفنان محمد ثروت تفاصل زفافة وتخليه عن إقامة حفل زفاف وإقامة مشروع خدمة الغير قادرين وذوي الهمم.
وتحدث أحمد ثروت أثناء لقائه في برنامج "معكم منى الشاذلي" الذي تقدمه الإعلامية منى الشاذلي والمذاع عبر شاشة قناة ON قائلًا: " بابا وخطيبتي كانوا رافضين يصوروني في المستشفى، بس كان لازم أوثق التجربة دي عشان أفيد وأستفيد وإلا التجربة هتروح في الأرض، أنا كنت خايف أن تفكيري ومخي يتأثروا وكنت بقعد أكتب كل يوم، وقولتلهم لو مربتوليش البعبع مش هقوم منها".

تصريحات أحمد ثروت

وأضاف أحمد ثروت قائلًا: " واتكلمت مع خطيبتي وقلتلها حنا حياتنا وقفت، هيكون عندك مشكلو لو ربنا كرمنا منعملش فرح، وفكرت نعمل بالمبلغ تطبيق موبايل يارب يقدر يخفف معاناة ناس كتير".

وأشار أحمد ثروت إلى أنه تطبيق خدمي قائلًا: " هو تطبيق خدمي للمرضى الغير قادرين المدرجين على قوائم الوزارات المعينة، إذا حد محتاج كرسي متحرك أو طرف صناعي، ولا تتوفر لديه المادة.

مرض أحمد ثروت

كما كشف أحمد ثروت تفاصيل إصابته بمتلازمة فيشر قائلًا: " جاتلي 5 إعاقات مرة واحدة حركة وبصر وفقدان القدرة على الكلام، وأول ما فقد الحركة كلمت أصدقاء ليا من ذوي الهمم وهما السبب أني كنت قوي، وسألتهم بنلبس هدومنا إزاي وبنروح الحمام إزاي؟، المفروض لما نشوف حد من ذوي الهمم نقولهم أنتم أبطال، أنا لو حد كان دخلني الحمام مكنتش هقوم من على الكرسي تاني، كنت بزحف كل يوم عشان أروح الحمام.. الإنسان فعلًا ضعيف".