بهاء الدين محمد يتراجع عن اعتزال الفن: كانت لحظة ثقيلة
أعلن الشاعر الغنائي بهاء الدين محمد، التراجع عن قراره السابق باعتزال الفن، والذي أعلنه منذ أسبوع.
ونشر بهاء الدين محمد عبر صفحته الرسمية على موقع فيسبوك يقول: "أنا مهما تخيلت أو حسيت مش هعرف أوصف إحساسي بكلام يرد على رد فعلكم بكل احترام، وزمايلي الفنانين اللي رافضين قرار اعتزالي، والتركيز فقط على تأملات في نعم الله".
تراجع بهاء الدين محمد عن الاعتزال
وأضاف بهاء الدين محمد: "ورد الفعل اللي رافض القرار خلاني أفهم وأسكت وأعرف وأشوف بطريقة واضحة مدى الحب والتقدير اللي وصلني من كل مكان، ومن خلاله عرفت أن ليا مكان في قلوب من حقها الرفض"
وتابع بهاء الدين محمد: "كانت لحظة سخيفة اتجمعت فيها أحداث كتير من حلوة وقلوب ونفوس كلها حقد وغباء وسواد في الحياة الفنية والشخصية، وفيها كم كبير من طكع وضعف ناس مش ناس!!، ومهما قابلت وكنت قظ أي هجوم قذر أو بالمعني الأوضح (وساخة ناس مريضة وكلها نقص وغل)، حسيت أني محتاج هدوء، وحسيت في لحظة أني محتاج أعيش لنفسي ومع نفسي بعيد عن أي ظروف تجبرني على معاملة أو احتكاك مع الناس المرفوضة دين وحياة وأخلاق، ومش من السهل أوصف ناس بالشكل ده".
وأشار بهاء الدين محمد إلى أنها كانت لحظة تقيلة عليه قائلًا: "هي كانت لحظة تقيلة على القلب بس أنا اكتفيت بالتخلص نهائي من الأصناف اللي بتكون قاصدة تسبب ضرر وابتزاز بكل طمع وشر واستنزاف للإنسانية اللي ربنا خلقني بيها، حتى لو أنا بعاملهم بكل خير وماخدوش بالهم من الطيبة اللي جوايا، خاصة لما ألاقي اللي بيتعامل معايا نتقص وضعيف، لكن لازم مواجهتهم بكل ردع ولازم يتحطلهم حدود، لأني مازلت بواجه بقايا الناس دي، وإن شاء الله هكسب في النهاية عشان اللي يخسرني خسران ويستاهل مصيره اللي اختاره".
واختتم بهاء الدين محمد قائلًا: " أنا قررت استئصال وشطب أي حد لا يليق ومرفوض، واحتفظت فقط بالناس اللي قلوبهم ونيتهم سليمة في الحياة والفن، وبشكر كل قلب كتبلي أو بعتلي أو كلمني يطمن عليا وأنا اعتبرته شاركني ووقف معايا بكل حب في تجربتي، ومهم أوي أني أقول أنا مش بتاع ترندات ولا ظهور إعلامي، بالعكس من سنين واخد قرار أعيش في حالي بعيدًا عن الأضواء، وأني أسيب أعمالي فقط في دايرة الضوء ويكفيني إن كلماتي تعيش وتفضل ناجحة وفي قلوبكم.. شكرًا من كل قلبي يا أغلى الناس".
