عمر كمال عن المغتربين: "بيسددوا ديون محدش يعرف يسدها"
تحدث المطرب الشعبي عمر كمال، عن معاناة الغربة وترك العائلة وبلادهم والسفر للخارج من أجل العمل.
نشر عمر كمال فيديو عبر صفحته الشخصية بموقع "إنستجرام" يتحدث فيه عن معاناة الغربة، قائلا: "الناس بتشوفهم في الصيف راكب عربية حلوة جاب شقة جاب هدايا وبيصيف، لكن هما بيسددوا ديون محدش يعرف يسدها، تاخد كام وتشوف ابنك بيكبر بعيد عن عينك، ومتبقاش جمب حد حبيبك في فرحه وحزنه ولو حد مات عزيز عليك ومكنتش معاه".
واستكمل عمر كمال: "تاخد كام والناس بتنساك علشان أنت بعيد عنهم، وأنت شايف حياتك وعمرك بيعدوا وأنت بعيد عن أهلك وأصحابك، مش كل حاجة تتحسب فلوس، ده تمن الغربة اللي هما بيدفعوها".
عمر كمال يعتذر عن إحيائه الحفلات في ظل الظروف
وسبق وكتب عمر كمال عبر صفحته الشخصية بموقع إنستجرام، يوضح فيه موقفه من إحياء الحفلات فى ظل أحداث غزة، قائلا: "أنا بنزل شغلي عادي وشغال الحمدلله، لإن دا أكل عيشي ولازم أنزل أفرح الناس، ولازم ألتزم بأي اتفاق قلته للناس وكمان علشان ورايا حوالي 40 فرد، بـ 40 أسرة شغالين معايا وفاتحين بيوت".
متابعا: "لكن أنا بتأسف لأحى حد بيعملي منشن فى الاستوري بتاعته الفترة دي، مش هقدر اقبله مراعاة لمشاعر إخواتنا في فلسطين، ولكل إنسان حاسس حالة حزن على اللى بيحصل.. ربنا يسعدكم يارب ويارب أكون قدرت أسعدكم في مناسباتكم سواء فرح أو حفلة، بس سامحوني الفترة دي".
أقرأ أيضا.. ويجز: "كل أشكال التعاطف للشعب الفلسطيني مش كفاية وفين المجتمع المصري؟"
