"أبويا مات وسابنا على الحديدة واشتغلت منجد قبل الغناء".. أبرز تصريحات علي قدورة بعد اعتزاله

كشف مطرب المهرجانات المعتزل علي قدورة عن تفاصيل برنامجه الجديد، الذي من المقرر أن يتم عرضه أسبوعيًا عبر موقع الفيديوهات يوتيوب، وتحدث عن تفاصيل أكثر في طفولته حتى إعلان اعتزاله الفن.

أبرز تصريحات على قدورة في برنامجه الجديد

- والدي كان شغال منجد في إسكندرية، واتعرضنا لأزمة مادية عام 2006 حتى اشتد عليه المرض وتوفى.

- اشتغلت بعد وفاة والدي عند صديقه منجد لأنه كان سايبنا على الحديدة وكنت بساعد والدتي في المصاريف.

- أنا وأخواتي كنا متفرقين بسبب أننا من زيجات مختلفة، ولقيت نفسي مع الوقت بروح في حته تانية خالص من الدلع.

- بكره لفظ اليتيم طول عمري، ودخلت صنايع على الرغم إني كنت شاطر بس علشان الفلوس.

- أصدقائي أول ناس اكتشفوا موهبتي وأول كلمة اتقالت لي أنت نجم.

- عملت مهرجان أنا وصحابي في البداية وكنا بنروح أفراح بدون مقابل.

- لما كنت بشتغل أنا وخالي في التنجيد حسيت أن القطن ملى صدري ومكنتش قادر أشتغل، واتخنقت من أي صنعة ورحت للأغاني.

اعتزال علي قدورة

وكان علي قدورة قد أعلن اعتزاله الفن نهائيًا، ونشر صورة من أمام الكعبة بملابس الإحرام، وعلق عيلها: "السلام عليكم في يوم جمعة مبارك، أنا علي عبد القادر السيد، الشهير بـ علي قدورة، كنت مغني قبل النهاردة، في حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي".

وتابع: "أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ويارب سامحني عن أي حاجة أنا عملتها في حياتي أو أي حاجة صدرت مني".

اقرأ أيضًا: خالد سرحان عن بيومي فؤاد: "طظ فيه بس كفاية شتيمة فيه هو مكفرش"