جمال العدل: نيللي كريم ومحمد هنيدي أكتر من وهند صبري بنتنتج لنفسها

حل المنتج جمال العدل ضيفا في أولى حلقات الجزء السابع من برنامج “حبر سري”، والذي تقدمه الإعلامية أسما إبراهيم، حيث تحدث جمال العدل عن حقيقة خلافه مع الفنانة نيللي كريم والفنانة يسرا ومحمد هنيدي.

أبرزتصريحات جمال العدل ببرنامج حبر سر

وقال المنتج جمال العدل عبر لقائه بالبرنامج: "أنا كمنتج يهمني النجمة الشاطرة، أنا بحب نيللي كريم جدا؛ لأن عمرها ما ركبت رموش ولا بتحط ميك آب، وعمرها ما كان لها طلبات هي ست جاية تعمل دورها وتمشي".

وأضاف: "محصلش بينا أي خلاف  أنا ونيللي الفترة اللي فاتت، وأنا بعتبر نيللي كريم ومحمد هنيدي من مؤسسي العدل جروب، والعلاقة بينا مش بس علاقة شغل دة أحنا بقينا إخوات وأصحاب، وأنا كنت وكيل نيللي في الفرح، والله هي ما قالتش إنها زعلانة".

واستكمل: "كان المفروض أن نيللي تكون بطلة  مسلسل واحة الغروب وبعدين عملته منة شلبي، وأنا صعب عليا أن نيللي  تقعد وغيرت النص كله بتاع مسلسل تحت السيطرة علشان هي تبقى موجودة فيه؛ لأنه كان بيتكلم الأول عن الشباب الصغير، وأناعمري ما كان في بيني وبين ممثل عقد احتكار، ويسرا بتمثل من غير عقد."

وتحدث العدل عن الفنانة هند صبري وقال: "هند صبري بتنتج لنفسها علشان تقدم أدوار نفسها تعملها, هند أشطر ممثلة جت مصر من الجيل الجديد".

وقال العدل: “إحنا في وقت شبه أيام  فيلم صعيدي في الجامعة الأمريكية، وهمام في أمستردام، لما كان الجيل العظيم جيل محمود عبد العزيز ونور الشريف ومحمود ياسين كبر شوية، والسوق محتاج ناس جديدة،  وأبطالنا الموجودين حاليا حلوين جدا، لكن 4 أو 5 فنانين ما يقدروش يشيلوا السينما المصرية كلها،ودة التوقيت مناسب لتقديم جيل جديد".

وعندما سئل عن الفنان أحمد السقا قال العدل: “أحمد السقا حاليًا مشغول بتصوير مسلسل في لبنان، ومرتبط  بفيلمين أو 3 أفلام، وأحمد عز وكريم عبد العزيز وأحمد حلمي نفس الموضوع، وعلشان أعمل فيلم للسقا لازم استني  سنين, أنا شخصيًا متحمس لأدريانو لأنها شخصية داخل فيلم همام في أمستردام، ونشوف بعد 20 سنة حصل إيه مع الشخصية".

وأوضح جمال العدل رأيه في الفنان محمد هنيدي" المفروض محمد هنيدي يتعب على نفسه شوية عشان يعمل حاجات أحسن من كده، لأن هو جر جيل كامل ولسه عنده اللي يقدمه".

وأكمل “هنيدي بيعمل الجزء التاني من أرض النفاق من غيري، للأسف وهو حقه قانونًا، لكن فيه حق أدبي وحق مادي، وأنا ليا الحق الأدبي، لكن في رأيي أنه مش هينجح”.

إقرأ أيضا:ديسمبر المقبل .. طرح فيلم "شماريخ" لآسر ياسين بدور العرض