أسامة منير يفتح النار على حسن شاكوش.. إيه القاذورات اللي بنسمعها دي

هاجم مذيع الراديو الشهير أسامة منير، مطرب المهرجانات حسن شاكوش بعد أزمته الأخيرة مع زوجته ريم طارق، مشيرًا إلى أن السوشيال ميديا تهتم به أكثر من اللازم.
ونشر أسامة منير فيديو عبر حسابه على "تيك توك" قائلًا: "هل كون حسن شاكوش اتجوز وطلق في شهرين دي قضية تشغل المجتمع المصري والإعلاميين الكبار، والقامات الكبيرة، والبرامج اللي الاسبونسر بيدفع فيها بالملايين عشان يحط إعلانه، دا لو جواز وطلاق الملك تشارلز مش هيعملوا كل دا، إيه اللي ورا دا أنا مش فاهم".

أسامة منير يهاجم حسن شاكوش

وتابع أسامة منير: "ومين حسن شاكوش بصراحة يعني؟! معلش سوري يا عم حسن متزعلش مني، بكل احترام وتقدير كلنا بني آدمين، إنما إيه أهميتك في المجتمع المصري؟! وإيه الموضوع والقاذورات اللي عمالين نسمعها ما بين كانت متجوزة وجوزها عنده مرض جنسي ونقلها المرض واتعالجت، واتجوزتك وأنت ما تعرفش وغنيت لها اطلعي برا البيت".
وانهى حديثه قائلًا: "هل احنا معندناش قضايا مهمة في المجتمع يا إعلاميين، وتهم المواطن الكادح، تعليم صحة غلاء فلوس تأمين طبي، عشوائيات محليات قرارات وزارية، وإعلامنا كله بيجري ورا حسن شاكوش، في حاجة غلط، يا أنا غلط يا أنتوا اللي غلط، إزاي سايبين العك ده كله وبنجري ورا حسن اتجوز وشاكوش طلق، انتوا مصدقين نفسكم ولا مش فاهمين ولا ده مقصود؟!".