مفيش مبرر للخيانة واعتذرت عن سره الباتع بسبب ياسمين.. أبرز تصريحات أحمد العوضي في حبر سري

تحدث الفنان أحمد العوضي عن الكثير من التفاصيل في حياته الشخصية والمهنية وعن علاقته المهنية بزوجته الفنانة ياسمين عبد العزيز وذلك خلال لقائه بالإعلامية أسما إبراهيم ببرنامج"حبر سري" المذاع علي قناه القاهرة والناس.

أبرز تصريحات أحمد العوضي

تحدث الفنان أحمد العوضي، عن خيانة الرجل لزوجته، مؤكدًا أنه لا يوجد مبرر للخيانة ، وإذا أراد الرجل الزواج مرة أخرى عليه إخبار زوجته الأولى.

وقال أحمد العوضي خلال تصريحات تلفزيونية: مينفعش راجل يخون مراته، ومفيش مبرر يخلي راجل يعرف على مراته واحدة، لو أنت مش مبسوط طلق، هو الراجل يملك إيه غير هيبته والست تملك إيه غير احترامها؟".

وأضاف أحمد العوضي: مفيش حد في الدنيا بياخد كل حاجة، الخيانة كمبدأ مش صح، ولو عايز يتجوز يقول لمراته الأول ولو هي موافقتش يبقى حقها، ولو اتجوزت في السر أو بتخون هتبقى فقدت احترامك قدام دي ودي.

كما كشف الفنان أحمد العوضي، عن سبب تأجيل فيلم البلدوزر مع المخرج طارق العريان، قائلًا: “البلدوزر أنا مضيته ومتفق عليه من 2022 وبعدين طارق العريان صور معاوية وأنا صورت ضرب نار، واتفقنا نأجل تصوير، والفيلم مكتوب وجاهز، الفيلم حالة فريدة ومفيش منافس هيعمل نفس فكرة الفيلم، وهي مش حرب”.

وأضاف أحمد العوضي: “أنا مبقلقش من حد ويارب كلنا ننجح وأنا هدفي نوصل لنقطة حتى لو كلنا وصلنا ليها المهم إني وصلت ونجحت، إيه اللي يزعلني لو كله نجح معايا؟”.

أما عن المنافسة بينه وبين زوجته ياسمين عبد العزيز أكد العوضي أنه يدعم ياسمين دائما ويتمني لها دوام النجاح والازدهار وقال: “لو نزلت بفيلم أمام ياسمين هى اللي هتعمل أكبر ايرادات وأنا هبقى عايزها تعمل الإيرادات أعلى مني وأعلى من أي حد، وهي تعمل إيرادات كتير دي ياسمين عبد العزيز”.

-وأوضح أحمد العوضي، أن زوجته ياسمين عبد العزيز، تقدم أفلاما كوميدية بينما هو حال تقديمه أفلام ستكون أكشن، مضيفًا: ياسمين تعمل كوميدي وأنا أعمل أكشن وهي تعمل إيرادات أدي 40 مرة وهبقى سعيد جدًا لها.

وكشف العوضي عن أقرب الشخصية الأقرب لقلبه  من الشخصيات التي قدمها، فعلق أحمد العوضي قائلًا: شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح، وأتمنى كل النجوم تعمل أفلام ومسلسلات والمهم أطلع من الموسم ناجح وعملت الدور بشكل جيد".

كما كشف عن سر قلة أصدقائه في الوسط الفني، مشيرًا إلى أنه على صلة صداقة بمجموعة من المنتجين والمخرجين قائلا: بيتر ميمي، وأحمد خالد موسى، حسام شوقي أخويا وتامر مرسي وطارق الجنايني، أما الممثلين مجرد زملاء له خاصة أن لديه العديد من الأصدقاء المقربين خارج الوسط وكانوا معه خطوة بخطوة قبل الشهرة والنجاح قائلًُا: الممثلين كلهم زملائي، وده مش مقصود، ولكن عندي صحاب كتير بره الشغل من زمان كبرت معاهم ما تغيروش ومش هتغيروا لأننا مشينا مشوار مع بعض، وهما صحابي اللي أنا اللي بتكلم معاهم براحتي"

إقرأ أيضا:بعد تعرضه للهجوم.. محمد رمضان يعلق على عدم ظهور علم المغرب بحفله الأخير