بسمة وهبة تكشف سر اختفائها عن الشاشة: زعلانة ومقهورة

كشفت الإعلامية بسمة وهبة عن سر عدم ظهورها الإعلامي، وعدم تقديم حلقات جديدة من برنامجها.

أكدت بسمة وهبة أن السبب هو تأثرها بالأحداث الراهنة في فلسطين من قصف إسرائيلي متواصل على قطاع غزة وحصار القطاع بدون طعام وماء وكهرباء ووقود، مما أدى لاستشهاد الآلاف من المدنيين الفلسطينيين، بينهم الأطفال والنساء.

زعلانة ومقهورة

وقالت بسمة وهبة: "بقالي فترة مبظهرش على الشاشة في البرنامج، وفي ناس بتقول إني مشيت من القناه وسبت  الشغل، هو أه أنا قعدت في البيت عشان أنا زعلانة ومقهورة  من اللي بيحصل في غزة، ومش حابة أطلع أصدر لكم طاقة سلبية ومش هعرف أكون إيجابية".

كما قدمت بسمة وهبة رسالة لمنتقديها بعد حديثها بالعبرية في برنامجها.

وقالت بسمة وهبة خلال  لقائها في برنامج 90 دقيقة" أنا قلت النهارده أريح الزبون والناس اللي مش عاجبها اللغة بتاعتي  في العبري قررت أتكلم بالعربي علشان ما أضايقش حد وأجيب حد يقول اللي بقوله بالعبري لأنكم حساسين أوي من طلاقة اللسان، يعني مش زي اللي بيتكلم إنجليزي وفرنساوي نص نص لكن العبري لا لازم نكون بنتكلم كويس  وتكون بسمة راحت عاشت في إسرائيل فأتقنته أو عملت فيلم قعدت ست أشهر زي مهمة في تل أبيب تتعلم العبري زي الفنانين الجمال ما علموا، لما تكون في وسط مذبحة فيها أخوتنا وأهلنا الفلسطينيين وكلمتين عاوزين يتقالوا بالعبري قررت أقولهم وأنا بالعبرية  وتحسب لي هذه المحاولة".

إقرأ أيضا:حكاية شخصية الأسد التي جسدها سامي العدل في مسرحية عادل إمام