محمد ممدوح: قضيت 17 يوما بشرب مياه فقط علشان أخس
حل الفنان محمد ممدوح، ضيفا على برنامج صاحبة السعادة، مع إسعاد يونس، وتحدث خلال اللقاء عن الكثير من التفاصيل، والموضوعات الخاصة بحياته الشخصية والفنية.
وكشف محمد ممدوح عن اتباعه نظام غذائي خاص، وهو صيام الماء.
وقال: “مشيت على حاجة اسمها صيام المياه، مكنتش اعرفها قبل كدا، واللي شجعني عليها مدير أعمالي، وهي أنك تصوم لكن تشرب مياه بس”.
وتابع: "قعدت 17 يوما بشرب مياه بس ومكلتش خالص، واحنا كنا في تجمع في فندق ومعانا دكاترة بيراقبونا ويشوفوا السكر والضغط، وكانت تجربة حلوة جدا وفادتني جدا، ودا كان من سنين وبسببه فقدت وزن كتير، ولغاية دلوقتي بشرب مياة كتير".
وأضاف: “الموضوع مبهر جدا، وكنت حاسس اني هادي ومرتاح وصافي ودي حاجة علمية وحاجات كتيرة بتشفى بالمياه وفي أي سن”.
واختتم: "أنا بقى ليا نظام حياة باكل كل ساعتين، وبشرب مياه كتير وخسيت 45 كيلو، احنا لما بدأنا ناكل مكنش ينفع ناكل مرة واحدة، يعني نشرب عصير الأول وبعد كدا ناكل حاجة خفيفة أوي، وكان في صديق أول مخلص سافر المانيا وقبل ما يسافر أكل فول وطعمية من القاهرة، ولما وصل المانيا تعب ودخل المستشفى فخطر جدا أنك بعد الصيام تاكل حاجة تقيلة"
اقرأ أيضا:انفصال يوسف الشريف عن زوجته إنجي علاء بعد زواج استمر 14 عاما
