غادة عبد الرازق تكشف سر زواجها بأشخاص أكبر منها سنا

تحدثت الفنانة غادة عبد الرازق خلال تصريحات تليفزيونية عن تفاصيل عن حياتها الشخصية وعلاقتها بوالدها، وسر زواجها بأشخاص أكبر منها سنا.

وقالت غادة عبد الرازق: “وفاة والدي وأخويا وأنا صغيرة خلاني ارتبطت بأشخاص أكبر مني في السن ، وبعد والد روتانا ارتبطت مرتين بالأكبر مني في السن جدًا،  وكنت بحاول أدور على بابا تاني، والمبرر في إني كنت بتجوز حد أكبر مني بـ 25 سنة إني كنت بدور على حنية بابا مش حب”.

وأضافت غادة عبد الرازق: “أنا كنت دلوعة بابا جدًا، وقبل ما بابا يتوفى بـ 3 أيام كان مبسوط لأنه كان هيبقى وزير وحصله هبوط حاد في الدورة الدموية، وتاني يوم الساعة 7 الصبح عرفنا إن بابا توفى، ومش فاكرة هل اتكسرت أو ضعفت”.

غادة عبد الرازق: تملكني الخوف لما روحت قبر والدتي

وأوضحت أنها تتعالج من الخوف منذ وقت زيارتها لقبر والدتها.

و قالت: "أنا عمري في حياتي ما روحت لـ قبر بابا لأنه اتدفن في الشرقية، وروحت لـ قبر ماما مرتين من يوم ما اتوفت من 18 سنة وتعبت نفسيًا جدًا، لأني روحت الساعة 2 فجرا، وفجأة تملكني الخوف أن إزاي أنا دخلت المقابر في الوقت ده ومن ساعتها وأنا بتعالج من الخوف".

إقرأ أيضا:في ذكرى ميلاد جميلة التسعينات.. علاقة اعتزال شيرين سيف النصر بوالدتها