حمو بيكا يرد على منتقدي سبوع ابنته: سيبوا الملك للمالك

علق مطرب المهرجانات حمو بيكا على سبوع ابنته، ورد على كل منتقديه بسبب إقامته السبوع في قاعة أفراح، وارتدائه وزوجته كميات كبيرة من الذهب.

وقال حمو بيكا خلال بث مباشر عبر حسابه الشخصي بموقع فيسبوك: "سيبوا الملك للمالك، والكلمتين دول للقريب قبل الغريب، أنا متربي في منطقة شعبية اسمها الدخيلة من أسرة مكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده،  وأبويا راجل على باب الله بيسافر ويتغرب ويشقى علشان اللقمة اللي بناكلها بالحلال".

وأضاف حمو بيكا: "أنا مدخلتش مدرسة ومتعلمتش  لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، ولما ربنا كرمني شكرته".

وكشف حمو بيكا عن صور له قبل الشهرة وأضاف"صوري دي تاج  على راسي لحد ما اموت ، وكنت راجل شقيان وتعبان وبدأت طريقي،  وقلت أجرب اشتغل وغنيت وجت معايا والناس حبتني لأن دمي خفيف، وأنتم اللي قولتوا عليا أني دمي خفيف".

إقرأ أيضا:كان نفسي أعمل عُمرة واتهموني بحيازة المخدرات".. أبرز تصريحات طوني خليفة