حسن الرداد عن فيلم بلوموندو: إيمي مترددتش تشارك بالفيلم

تحدث الفنان حسن الرداد عن فيلمه الجديد “ بلوموندو” والذي يعرض حاليًا في دور العرض السينمائية.

وقال حسن الرداد في تصريحات تليفزيونية،: “هي فكرة بسيطة وذكية جدًا في نفس الوقت”.

وأضاف الرداد،: "كنت عايز أرجع اعمل حاجة كوميدي، كان بقالي فترة معملتش كوميدي، والحمد لله ردود الأفعال اللي شايفها من الناس في الوطن العربي حاجة حلوة للفنان وللفيلم،  وكنت بشوف أستاذ عادل إمام والأستاذ محمود عبد العزيز وأحمد زكي وكل النجوم بتغني في الأفلام اللي بتحتاج أنه  يغني فيها".

ضيوف الشرف في فيلم بلوموندو 

وتحدث الفنان حسن الرداد عن مشاركة مجموعة من النجوم كضيوف شرف بالفيلم.

وقال حسن الرداد،: “الأغنية من العوامل اللي بتأكد الحدث الدرامي الموجود، وضيوف الشرف في الفيلم شرفوني جدا،  عمرو يوسف أخويا وصاحبي وعشرة عمري  ومن أجدع الناس اللي قابلتهم في حياتي، وبشكره على وجوده في الفيلم”.

وأستكمل: “كلمت عمرو يوسف الساعة 5 الصبح قولتله محتاجك في الفيلم قالي إمتى قولتله كمان كام ساعة، مقالش حاجة وكان عنده مواعيد لغاها”.

واختتم: «رامي رضوان نفس الموضوع وحضوره كان  طاغي وجميل، أما إيمي سمير غانم كانت دي أول حاجة تمثلها بعد ما كان بقالها فترة بعيدة عن التمثيل، قولتلها عايزك تيجي تقفلي الفيلم لأني مش هلاقي أعلى من كدا أقفل بيها الفيلم ومترددتش إنها تشارك فيه".

إقرأ أيضًا:حميد الشاعري يعلن تضامنه مع القضية الفلسطينية بكل لغات العالم