جمال العدل: كريم عبد العزيز يسبق أحمد حلمي ومحمد رمضان في السينما

كشف المنتج جمال العدل عن رأيه في الفنان كريم عبد العزيز مشيرا إلى أنه يتفوق على أحمد حلمي ومحمد رمضان في السينما.

وقال جمال العدل: "بتقييم السينما والجماهير كريم عبد العزيز يسبق أحمد حلمي ومحمد رمضان، ولو عندنا جائزة للإخراج هديها لابني المخرج محمد العدل».

وأضاف العدل: “الشغلانة عرض وطلب ومفيش فنان بياخد فلوس إلا لو هو يستحقها، وعادل إمام ياخد اللي هو عايزه وأي حد بيمضي معاه هو اللي كسبان”.

واستكمل: "نجاح مسلسل جعفر العمدة كان فوق الوصف، وتوقعت ردود الفعل على فاتن أمل حربي، وعلاقتي بيسرا تجاوزت حد الشغل دي عشرة طويلة وعمر علاقتنا أكثر من 30 سنة".

وكشف العدل عن المعاناة التي يواجهها المنتجون في التصوير، وطالب بتوفير التسهيلات أمام الأعمال الفنية والدرامية، وتقليل المبالغ الضخمة المدفوعة مقابل التصوير في أي من مرافق الدولة.

وأضاف جمال العدل: "إحنا عشان نصور مشهد ثابت في المخزن، أو واقف في السكك الحديدية مش بيعمل أي حاجة، بندفع 200 ألف جنيه تقريبًا، وعشان نصور في المطار بندفع أرقام  مهولة، وكذلك في الهرم، دي الناس بتعمل الهرم في المغرب، وتصور على أنه في مصر، أي واحد بيصور في مصر خواجة بياخد عليه 500 دولار في اليوم، بياخدوا على الشخص الواحد 500 دولار غير المكان والعمل وما إلى ذلك".

اقرأ أيضا:نشوى مصطفى: لازم استمتع وأنا بعمل فن وخالد النبوي عنده حضور كبير