بسمة بوسيل: أصعب قرار أخدته في حياتي كان الطلاق وبعلم ولادي البزنس

كشفت بسمة بوسيل عن تفاصيل طلاقها من الفنان تامر حسني، مؤكدة على بقاء علاقة الصداقة والود بين الطرفين بالرغم من الطلاق.

وقالت بسمة بوسيل خلال تصريحات تليفزيونية"أصعب قرار خدته في حياتي كان  الطلاق، لأنك بتبني حاجات  سنين وفجأة تكتشف أنها لازم تتهد، وأعتقد أولادنا فاهمين كويس  موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء".

وعن علاقتها بأبنائها، قالت بسمة بوسيل “أنا  بقعد كتير مع أولادي وباخد رأيهم في كل حاجة،  مش علشان يحلوا معايا المشكلة لا ولكن أنا بربي أولادي على البزنس، لأن المدارس مش بتعلمنا كل حاجة ولا بتعلمنا اللي الحياة بتعلمه لينا”.

وأضافت" عمر ما كان فيه مقارنة بين شغلي، وأولادي علشان أختار بينهم، لأنهم أهم حاجة في حياتي ، وأهم إنجاز حصلي ، لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل".

اقرأ أيضا:سيد رجب يكشف تفاصيل مشاركته في فيلم The Goat بالتزامن مع عرضه في مهرجان الجونة